Linge 57:3 - Ghari

³ Aia e totu i baragata sauba ke rongomia niqu nonginongi me ke maurisiau; maia nogo sauba ke tuliusigira igira ara bingi sekoliau. God sauba ke tusuvulagi vaniau nina galuve vo oli ma nina doulaka saviliu.

Linge 57:3 Referans Kwoze

Linge 40:11

Taovia inau au dona dou nomoa laka sauba e utu ko mololegotoa na galuveaqu. Nimu galuve vo oli ma nimu tobalaka saviliu, sauba kara ka tangoliau sailagi.

Linge 43:3

Ko saumaia vaniau na mararamu ma nimu mana; igira nogo kara tudumiau ma kara adivisuau bâ i Sion tana nimu vungavunga tabu, mi tana nimu Vale Tabu i tana o totu sailagi igoe.

Aqoaqo 12:11

Ma Petero e vasini moa padagadovia na omea e laba vania me tsaria, “!Kalina ia au dona dou laka e manana saikesa! Na Taovia nogo e moloa nina angelo ke maurisiau tania na susuligana a Herod, me tanigira goto na omea sui na Tsiu ara vangaraua kara nauvaniau.”

Linge 61:7

Ko naua maia ke tagao saviliu i matamu igoe niqu God; mo ko reitutugua tana nimu galuve vo oli ma nimu doulaka saviliu.

Tsoko Tinoni 23:24

Na puku na tinoni ni Israel e susuliga sosongo vaga moa ti na laeone; me tau saikesa dona ke mango poi tsau kalina aia ke ngotsia me ke konomia, me ke inuvia na gabuqira igira aia e gati matesigira.”

Ioane 1:17

I sau God e savulaginia vania a Moses nina Ketsa vanigira nina tinoni. Mi konina moa a Iesu Kristo igita a tsodovulagia nina galuve ma na manana.

Nina Papi A Job 31:31

Pipi sui lakalaka na tinoni ara aqo vaniau ara donaginia laka inau au soalakagira pipi kalina igira na tinoni labavô.

Linge 138:8

Taovia, au dona laka sauba ko manaligira na omea sui igoe o vekenogoa vaniau, rongona nimu galuve e totu saviliu. Ko suilavaginia na aqo igoe o tuturiga nogoa i laona tobaqu.

Isaia 26:12

Taovia igoe sauba ko naua ma kami gini tamani omea danga; igoe nogo o tagaovigira pipi nimami aqo, mami gini tangomana tana omea sui ami naugira.