Linge 57:2 - Ghari

² Inau au ngangaidato vania God Susuliga Sosongo, vania God aia e sauvaniau na omea sui au kilia.

Linge 57:2 Referans Kwoze

Linge 138:8

Taovia, au dona laka sauba ko manaligira na omea sui igoe o vekenogoa vaniau, rongona nimu galuve e totu saviliu. Ko suilavaginia na aqo igoe o tuturiga nogoa i laona tobaqu.

Pilipi 1:6

Mau dona laka God, aia nogo e tuturiga nina aqo dou i laomui sauba ke nau babaa, poi ke tovusia tana Dani i tana a Iesu Kristo ke visumaitugua.

Hibru 13:21

Eo, au nongikakaia nida God, laka aia ke vangalaka vanigamu pipi tana omea dou sui amu kilia vania na maurimui, rongona kamu gini tangomana sailagi na naudouana na omea aia e kilia. Me kolua a Iesu Kristo aia God ke manalia i laoda na omea sui aia e reingaoa. !Ka tsonikaea a Iesu Kristo na dani ma na dani! Amen.

Isaia 26:12

Taovia igoe sauba ko naua ma kami gini tamani omea danga; igoe nogo o tagaovigira pipi nimami aqo, mami gini tangomana tana omea sui ami naugira.

Pilipi 2:12

Eo, igamu na kulaqu galugaluve, igamu amu rongomangaqu dou sosongo kalina au totu kolugamu i votangana. Mi kalina ia, inau au tau nogo totu kolugamu, ma nimui aqo ti kamu rongomangaqu dou sosongo baa nomoa. Au nongigamu kamu aqo dou babaa tana kukuni ma na parovata, ti kamu gini tangomana na tamaniginiana na mauri saliu.

Isaia 57:15

“Inau nogo na God tabu loki mau totu saviliu. Inau au totu i gotu vasau tana nauna tabu, mau totu goto i laoqira na tinoni ara totu palatsuna mara padasavia niqira sasi, gana kau kakaisia na tobaqira, ma kara gini mauri doutugua.

Linge 56:2

Tana dani popono ara saimai igira ara reisaviau rongona kara sekoliau. Mara danga sosongo ara vailabu koluau inau.

Linge 17:8

Ko reitutuguau vaga igoe o reitutugua na lakana matamu. Ko molopoiau tana auauna na rapomu,

Linge 41:5

Igira gaqu gala ara keli seko vaniau, mara tsaria, “?Sauba kengisa ti ke mate ia ma ka gini padale saikesalia?”

Linge 143:9

Taovia, au bâ i konimu rongona igoe ko reitutuguau; ko laumaurisiau tanigira gaqu gala.

Isaia 26:20

Igamu niqu tinoni kamu sage sui i laona na valemui, ma kamu vongovisua na matsapa i murimui. Kamu taopoi talu poi ke sui nina momosatoba loki God.