Linge 53:2 - Ghari

² God aia e totu tana sasana i gotu, me morotsuna i koniqira na mamatana tinoni sui, ti vaga ke reigira kara visana i laoqira kara sasaga, ma kara samasama vania.

Linge 53:2 Referans Kwoze

Isaia 55:6

Kamu pilo bâ i konina na Taovia ma kamu nonginongi vania kalina aia e totu varangisigamu.

2 Turupatu Dato 15:2

maia e tû me ba tsodoa a Asa na taovia tsapakae, me tsarivania, “!Ko rongomiau inau igoe a Asa na taovia tsapakae, migamu sui goto na toga ni Juda mi Benjamin! Na Taovia e totu kolugamu kalina igamu amu totu kolua aia. Me ti vaga igamu kamu lavemananâ aia, maia sauba ke tamivanigamu kamu tsodoa, me ti vaga igamu kamu piloligi tania maia goto sauba ke tsonikidamui.

Linge 111:10

Na kukuni taniana na Taovia aia nogoria na sautu agana na lia tinoni sasaga. Mara sasaga manana igira sui ara muridougira nina ketsa. !Maia nogo ka tsonikaea na dani ma na dani!

Jeremia 23:24

Me tagara goto ke kesa tangomana na ba taopoi sa nauna i tana inau kau tau morosia. ?Laka igamu amu tau moa vati dona laka inau au totu pipi tana nauna sui i gotu mi lao?

Linge 27:8

Kalina igoe o goko mo tsaria,“Ko mai mo ko samasama vaniau,” minau au gokovisu vanigo mau tsaria,“Eo Taovia, sauba kau bâ. Au kili sosongolia kau reilakana na matamu.

2 Turupatu Dato 19:3

Me atsa moa o nauvaganana ia, migoe o naugotoa visana na omea e dou. Igoe nogo o adiligigira sui na nununa na god daki ko Asera aia igira na tinoni ara samasama vania, mo tovo manana na muriana nina kili God.”

Jeremia 16:17

Inau au morosinogoa pipi na omea sui ara naugira. E tagara goto kesa na omea ke popoi vaniau, niqira sasi sui e tau tangomana kara popoi i mataqu.

Linge 102:19

Na Taovia e totu tana sasana tabu i gotu, me morotsuna mai i lao tana barangengo.

Linge 11:4

Ma na Taovia aia e totu rago i laona nina valetabu; me tamanina nina sasana na totu i baragata. E morosigira na tinoni pipi tana nauna sui me donaginia na omea sui igira ara naua.

Linge 10:4

Na tinoni vanga tsutsukibo aia e tau dona ke boeginia na Taovia; mi tana nina kaekae e pada i tobana laka e tagara sa God.

Nina Papi A Job 28:28

Ma God e tû me tsarivaganana vanigira na tinoni, ‘Ti vaga kamu ngaoa kamu tamanina na sasaga loki, ma nimui aqo kamu kukuni tania na Taovia. Me ti kamu ngaoa kamu dona na padagadovi omea, ma nimui aqo kamu piloligi tania pipi na nauseko.’ ”

1 Turupatu Dato 28:9

Mi tana ma David e gokovania a Solomon me tsaria, “Dalequ igoe, nimu aqo nomoa ko padalokia nina God na tamamu, mo ko tamia na aqo dou vania tana tobamu popono mi tana papadamu popono. Aia e donaginia pipi sui nida papada ma nida kili igita. Me ti vaga igoe ko vataragi i konina aia, maia sauba ke tabego; me ti vaga igoe ko piloligi tania, maia sauba ke piloligi sailagi tanigo goto igoe.

Na Vaolusi Ketsa 4:6

Kamu muridougira manana, mi tana ti sauba igira na puku tavosi kara reiginia laka igamu amu sasaga loki manana. Mi kalina ti kara rongomigira na ketsa ma na vali sui girani, me sauba kara novo ma kara tsaria, ‘!Alao! !Na puku na tinoni girani ara sasaga sosongo mara donaginigira danga na omea!’