Linge 53:1 - Ghari

¹ Igira na bule ara tsarisegenia i tobaqira, “E tagara sa God.” Igira sui ara seko pitsu nogo, me seko saviliu pipi niqira sasaga; me tagara goto ke kesa vidaqira ke naua sa omea ke goto.

Linge 53:1 Referans Kwoze

Linge 10:4

Na tinoni vanga tsutsukibo aia e tau dona ke boeginia na Taovia; mi tana nina kaekae e pada i tobana laka e tagara sa God.

Roma 1:28

Ma na rongona nogoria na tinoni girani ara sove na tutunina na manana tana rongona God, ti aia God e gini tsonilegira kara muria niqira papada seko, ma kara totu matengana moa na nauana na omea e tau ulagaqira kara naua.

Luka 12:20

Maia God sauba ke tsarivania na mane vaga ia, ‘!O bule igoe! Tana bongi eni nogo sauba inau kau adiligi tanigo na maurimu igoe. ?Masei sauba ke tamanina pipi nimu omea girani igoe o mololakagira vanigo segeni?’

Nina Papi A Job 15:16

Ma na tinoni aia e inuvia na nauseko ngiti gana kô, me seko pitsu bâ nina sasaga, me tabaru sui pipi nina omeomea.

1 Taovia Tsapakae 14:24

Ma na omea seko liuliu bâ, ara totu visana na mane ma na daki ara aqosia niqira aqo na rebi tana nauna tana ara samasama igira na tinoni ponotoba. Migira na tinoni ni Juda ara nautaonia pipi na omea paluvangamaga ara naua igira na tinoni aia na Taovia e tsialigigira tania na kao ia kalina igira na Israel ara maimai moa i sautu laka kara sagemai i laona na kao ia.

1 Petero 4:3

Eo, e oka nogo igamu amu mauri mala ponotoba moa. Mamu sekolilea na maurimui tana sasaga seko ma na kilinauseko, na inu bule ma na magemage seko, na sasaga bubulega na mane ma na daki, na inu ma na masu loki, ma na samasama ma na kodoputsa vaniaqira na tidao.

Epesus 5:12

E paluvangamaa sosongo na gini goko na omea vaga gira ara naupopoia tana rodo.

Mateo 5:22

Minau au tsarivanigamu: ti vaga ke kesa ke vaikoregi lee kolua moa kesa na kulana, me sauba kara turuvaginia i matana na taovia na pede. Masei ti vaga ke goko peaa moa vania kesa na tasina, me sauba kara turuvaginia nomoa i matana na Sai na Pede. Masei ti vaga ke tsarivania moa na kulana, ‘!O bule igoe!’ maia sauba ke tsodoa na rota tana iruna na lake e vo sui.

Linge 10:13

?Nagua e padâ na tinoni vanga tsutsukibo aia te e peâ God me tsari segenina i tobana, “E utu lelê God ke kedeau inau”?

Linge 10:11

Aia na tinoni vanga tsutsukibo e goko segenina me tsarivaganana, “!E tau lelê gini boe God na omea vaga gira! !Aia e maturukapusinogoa na matana, me sauba e utu lelê vania ke morosiau inau!”

Linge 10:6

E goko segenina me tsarivaganana, “Sauba nomoa e utu kau puala lê inau; Me sauba e utu goto ke sekoliau sa omea.”

Nina Papi A Job 14:4

Me tagara goto sa omea male tangomana ke talumai i konina sa omea e tau male vaga na tinoni.

1 Taovia Tsapakae 12:26

Me pada segenina i tobana, “Mi kalina ia ti vaga igira niqu tinoni kara vano sailagi moa i Jerusalem, ma kara savoria niqira kodoputsa vania na Taovia i laona na Vale Tabu i tana, me sauba tau utu ti ke oli niqira papada ma kara visutugua konina a Rehoboam na taovia tsapakae ni Juda, ma kara labumatesiau inau.”

Na Vaolusi Ketsa 12:31

Mi kalina igamu kamu samasama vania na Taovia nimui God, kamu laka goto na muritaoniana na omea ara naua na tinoni girani tana samasama vaniaqira niqira god peropero, rongona kalina igira ara samasama vanigira niqira god, ara naugira danga na vatana na omea maresibiga aia na Taovia e reisavi sosongolia. Me atsa goto na daleqira, mara savorigira i laona na lake i kelana niqira belatabu.

Roma 1:21

Eo, ara donaginiragoa God, mara tau moa kukuni tania vaga e ulagana, mara tau lelee soadoua goto. Niqira sasaga e vaga saikesa na tinoni e tau tamani sasagana. E kobakoba lee na lovaqira mara totu moa tana rodo.

Esekiel 16:51

“Ma na Samaria goto aia e tau sasi loki sagata vaga igoe. Eo, na omea marasibiga o naugira igoe ara seko liusigira bâ pipi sui na omea seko aia e naua. Mi kalina inau au morosia na omea amu tu naua tugamu, mau reia laka nimu sasaga marasibiga igoe na Jerusalem ara seko sosongo, ma na omea ara ka naua kaira ara tau seko sagata vaga na omea o naua igoe.

Esekiel 16:47

Kaira na tasimu karani ara ka totu matengana moa na nauana na omea marasibiga sui. Migoe e tau tugugo na tsari moa ka muriqira kaira tana nauana na omea vaga ia, me tau lelê oka ma nimu omeomea igoe e seko sosongo liusigira bâ na omea sui ara ka naua kaira.

Linge 92:6

Ma na omea vaga ia, aia na tinoni bule e utugana vania ke donaginia; ma na tinoni tau sasaga e utu goto vania ke padagadovia.

Linge 88:1

Taovia God niqu vagamauri, inau au ngangaidato vanigo tana dani popono, mi tana bongi goto minau au mailaba i matamu igoe.