Linge 52:2 - Ghari

² Tana dani popono igoe o totu matengana moa na vorogokona na sekoliaqira na tinoni tavosi; na lapimu e vavanga vaga na risa. Mo tavongani botsangia na gokopero pipi kalina.

Linge 52:2 Referans Kwoze

Goko Tabana 18:21

Ma na omea igoe o tsaria e tangomana ke maurisigira se ke matesigira na tinoni; me vaga ia ma nimu aqo ko tabedoua moa na vuana pipi nimu tsaqina goko.

Linge 57:4

Ara totu poliau igira gaqu gala, vaga saikesa moa ti na laeone veveiga. Na livoqira ara vaga moa na bao ma na pipili; ma na lapiqira ara vaga na isi vavanga.

Goko Tabana 12:18

Na tinoni e tau papada dou talu ti ke tsonia na goko, ma nina goko e vaga moa na isi e sage ao i laona na tobaqira na tinoni tavosi, ma na goko ara tsoni sasagâ e dona ke ragosia na tobana tinoni.

Linge 59:7

Rongomia bâ niqira goko peapea ma niqira goko vavanga ara tsonia. Na lapiqira e vaga saikesa moa ti na isi i laona na mangaqira, mara pada ngatsua laka e tau rongomigira moa ke kesa.

2 Korint 11:13

Na tinoni vaga gira, ara tau na apostolo manana, ara malapalu moa, mara peroginigira na tinoni laka igira nina apostolo manana a Iesu Kristo.

2 Korint 4:2

Ami piloligi saikesa tanigira na aqo malapalu sui. Ami tau goto tovoa na valoaqira na tinoni, mami tau goto pilo sekolia na gokona God. I matana God, igami ami gini goko malemale saikesa moa na goko mana. Mi tana nauvaganana ia, igami amesia laka igira na tinoni sui sauba kara padalokisiginigami.

Aqoaqo 24:5

Igami, ami tsodovulagia na mane iani aia e seko sosongo baa na sasagana. E totu matengana na tsaikore i laoqira na Tsiu pipi sui nauna tana barangengo, maia e ida vanigira goto kesa na alaala ara soaginigira na Nasarene.

Aqoaqo 24:1

Me putsi tsege na dani, ma Ananias na Mane Tabu Loki e vano goto i Sesarea, kolugira visana na ida tana lotu, mara soagotoa kesa na mane a Tertulus na asana, aia kesa na mane tagaoketsa ke dulikolugira. Mara ba laba i matana a Piliks, mara tatamanga gana a Paulo.

Mateo 26:59

Migira na taovia na lotu ma na Saikolu popono ara lalavea kesa na sasi ti ke tsukia a Iesu, vaga e tugua kara pedematesiginia.

Jeremia 18:18

Mi tana, migira na toga ara tsaria, “!Ida igita ma ka vorogana mate a Jeremia! Sauba kara totu sailagi moa visana na manetabu kara sau totokoe vanigita, ma na mane sasaga loki kara parovatavigita, ma na propete kara katevulagi vanigita nina goko God. Ida ma ka kelipero gana, ma ka laka goto na rongomiana na omea aia ke tsaria.”

Goko Tabana 30:14

Mara visana tinoni na livoqira ara vavanga vaga na isi ma na gau, gana kara ganigira na tinoni ara tau tamani, migira ara kili sasanga, ma kara gini nangaligi tania na barangengo.

Linge 120:2

Au nonginongi vaga iani: “Ko maurisiau Taovia, tanigira igira na vangapero ma na vanga bulesi tinoni.”

Linge 109:2

Igira na tinoni vanga tsutsukibo ma na vanga pero ara maiginiau inau. Ara tsaria danga na gokopero tana rongoqu inau,

Linge 50:19

“Na mangamui e tau goto kuti na goko seko. Ma na lapimui e botsangia danga na goko pero.

Na Katemai 12:10

Mi muri, minau au rongomigotoa e kesa e guu i gotu me tsaria, “!Kalina ia, aia nida God e maurisigita nogo igita sui nina tinoni! !E laba maka nogo laka God aia segeni e Taovia Tsapakae, me susuliga loki, me laka na Mesia, aia na Dalena nogo ia, e tagao pukuga vanigira na tinoni sui! Rongona na tidao seko, aia e tutuu i sau i matana nida God, me tau kuti na dani ma na bongi na keliseko vaniaqira na tasida, aia God e tsoniligi suinogoa tania na baragata.

1 Samuel 22:9

Maia Doeg e tutû kolugira nogo nina mane sasanga a Saul i tana, maia e tsarivania a Saul, “Inau au morosia a David kalina aia e vano i Nob konina a Ahimelek na dalena a Ahitub.