Linge 51:13 - Ghari

¹³ Mi tana ti inau kau madodo na sasaniaqira na tinoni sasi na muriaqira nimu ketsa, migira kara tû ma kara pilovisumai i konimu igoe.

Linge 51:13 Referans Kwoze

Luka 22:32

Minau au nonginongi vanigo a Simone, rongona ke gini tau puka nimu tutuni. Mi kalina igoe ko pilomai tugua i koniqu, ma nimu aqo ko kakaisigotoa niqira tutuni igira na tasimu.”

Aqoaqo 15:3

Baa, migira na tinoni tutuni tana vera ia ara molovanogira. Mi kalina ara liu tana Ponisia ma na Samaria, mara turupatuna vanigira na tinoni tutuni ni tana, laka e koegua igira na tinoni pipi tana vera sui ara pilotoba mara tutunina God. Mi kalina igira na tinoni tutuni ara rongomi vaganana ia, mara gini magemage loki.

Aqoaqo 3:19

E dou kamu padasavi ma kamu pilovisutugua i konina God, ma kara gini tanusi nimui sasi. Me ti kamu nauvaganana ia,

Mateo 18:3

“Inau au tsarivanigamu na manana, laka ti kamu tau olia na sasagamui, ma kamu lia mala vaga na baka tetelo iani, me sauba e utu saikesa vanigamu kamu sage tana Verana God.

Jeremia 31:18

“Au rongomigira na tinoni ni Israel ara ngangaidato vaniau tana niqira rota mara tsaria, ‘Taovia, igami ami vaga saikesa moa na omea tuavati atsi, migoe segenimu nogo o ladogasigami. Ko adivisugami rongona igami ami ngao mananâ na visubatugua i konimu, igoe na Taovia nimami God.

Isaia 6:10

Mi muri maia e tsarigotoa vaniau, “Ko naua me ke pono na tobaqira, mo ko ponotia na kuliqira, mo ko maturukapusia na mataqira, rongona ti vaga kara morosiginia na mataqira, ma kara rongomiginia na kuliqira, ma kara padagadoviginia na tobaqira, me sauba kara pilovisumai i koniqu inau, ma kau maurisigira.”

Isaia 2:3

migira niqira tinoni sauba kara tsarivaganana iani, “Ida gita ma ka ba dato tana nina vungavunga na Taovia, tana nina Vale Tabu niqira God igira na Israel. Maia sauba ke sasanigita na omea e ngaoa igita ka naua; mi tana ti ka dona na liu bâ tana sautu aia e vilinogoa vanigita. Rongona igira sui nina sasani na Taovia ara talumai moa i Jerusalem i kelana na Vungavunga Sion; i tana nogo aia e tû te e mologoko bâ vanigira nina tinoni.”

Linge 32:5

Te au tû mau koevulagia i matamu niqu sasi; mau tau goto tiapoigira niqu sasaga seko. Au tsaria moa vania na Taovia, “Taovia au koevulagigira niqu sasi i matamu.” Migoe o nusiligigira taniau pipi sui niqu sasi.

Linge 25:8

Rongona na Taovia aia e gotolaka me dou saviliu, te e sasanigira na tinoni sasi na liu tana sautu dou.

Linge 22:27

Igira na puku sui sauba kara padatugua na Taovia. Me pipi tana nauna sui tana barangengo sauba kara pilovisumai i konina aia; migira na mamatana sui na tinoni sauba kara samasama vania moa aia.

Linge 19:7

Nina ketsa na Taovia e gotolaka; me saua vanigita na susuliga vaolu. Nina goko na Taovia ara mana sui, mara saua na sasaga loki vanigira ara tau sasaga katsi.

Aqoaqo 13:10

me tsari baa vania, “!Dalena na tidao seko igoe! O tukapusigira pipi na omea ara dou. !Mara danga sosongo i konimu pipi vatana na tubulagini tinoni, me pipi kalina moa igoe o tovoa laka ko pilo sekolia na gokomana tana rongona na Taovia, me ke tangi vaga ti na gokopero!

Linge 25:4

Taovia ko sasaniau nimu sautu, mo ko saulabatigira vaniau.

2 Taovia Tsapakae 17:18

Na Taovia e kore loki sosongo vanigira na Israel, me tsialigigira sui tania i matana, migira moa na puku konina a Juda ara kauvisu.

2 Taovia Tsapakae 17:20

Mi tana ma na Taovia e tû, me sove tanigira sui na Israel, me kedegira kakai me saugira bâ i limaqira gaqira gala kara rotasigira, poi tsaumai tana susuina aia e tsialigigira saikesa tania i matana.

2 Taovia Tsapakae 17:23

poi tsau e kore loki sosongo na Taovia me tsialigigira tania i matana, vaga saikesa nogo aia e parovatavigira tana mangaqira nina maneaqo igira na propete, laka sauba aia ke naua. Me vaga ia, mara aditsekagira na tinoni ni Israel, mara adivanogira i Asiria, mi tana ara tototu tsaumai i dani eni.