Linge 51:12 - Ghari

¹² Ko molovisua i tobaqu na mage rongona igoe o suivisuau nogo; mo ko naua ma kau madodo na rongomangamu.

Linge 51:12 Referans Kwoze

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.

Linge 13:5

Minau au noru kalavatavia nimu galuve vo oli; me sauba nomoa kau gini magemage tana rongona igoe sauba ko laumaurisiau.

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Iude 1:24

God aia segeni e susuliga ke tangoligamu ti kamu gini tau puka, me ke adigamu baa tana tobamale ma na magemage i matana.

2 Korint 3:17

Ma na Taovia aia nogoria na Tarunga Tabu. Masei e tamanina nina Tarunga Tabu na Taovia i konina, aia e totu tana marara.

Luka 1:47

ma na tobaqu e gini magemage rongona God niqu Vagamauri,

Linge 35:9

Mi tana ti inau kau gini mage tana rongona na omea e naua na Taovia, me sauba kau gini magemage rongona aia e maurisiau.

Linge 119:133

Ko sangaau vaga igoe o vekenogoa ma kau tau puka lê, ko laka na tamivaniana na kilinauseko ke tagaoviau.

1 Petero 1:5

Eo, ara totu vanigamu nogo igamu, rongona igamu amu tutunina manana nogo God. Maia e tangoli ravitigamu tana susuligana, gana kamu gini tamanina na mauri laka e vangaraunogoa na saulabatiana vanigamu tana susuina na dani.

Roma 8:15

Rongona na Tarunga Tabu, aia God e saunogoa vanigamu, e utu ke naua kamu gini tseka se ke molo matagu vanigamu. Na Tarunga Tabu e naua mamu gini lia nogo na dalena God, mi tana susuligana nogo na Tarunga Tabu igita a dona na tsariana vania God “!Mama, Tamaqu!”

Jeremia 10:23

Taovia, inau au donagininogoa laka e tagara kesa tinoni ke taovia vanisegenia, me ke tagaovia na vavanona na maurina segeni.

Roma 14:4

?Masei vaga igoe ti ko tuu mo ko pedea nina maneaqo kesa tinoni tavosi? Aia gana Taovia segeni nogo nina aqo ke pedea ti vaga aia e tukakai dou tana nina aqo se tagara. Me sauba nomoa ke tukakai dou tana nina aqo rongona na Taovia nogo e sangaa te e gini tangomana na tukakai.

Linge 21:1

Taovia, e mage sosongo aia na taovia tsapakae rongona igoe o tusuvania na susuligamu. Maia e magemage loki rongona igoe o sangâ me gini managana.

Linge 19:13

Ko maurisiau tanigira goto igira niqu sasi au tamia manana na nauana. Mo ko laka na tamivaniaqira kara tagaoviau goto. Mi tana nogo ti ke gini gotolaka niqu sasaga, ma kau totu tanusi tania na sekona na sasi.

Linge 17:5

Au muri sailaginia nimu sautu igoe, mau tau lelê soba tania.

Isaia 49:13

!Ko linge igoe na baragata! !Ko gudato tana magemage igoe na barangengo! !Igamu na vungavunga kamu linge loki! Rongona na Taovia sauba ke veregira nina tinoni me ke galuvegira igira ara rota.

Linge 24:4

Igira moa e male dou niqira sasaga ma niqira papada, mara tau samasama vanigira na god peropero, mara tau goto dona kara naua na veke peropero lê.