Linge 5:8 - Ghari

⁸ !Taovia, ara totu danga sosongo gaqu gala! Igoe ko ida vaniau ma kau dona na muriana na omea igoe o kilia; ko gotolia vaniau na sautu tana kau liu.

Linge 5:8 Referans Kwoze

Linge 27:11

Ko sasaniau Taovia, ma kau donaginia na omea vaga igoe o ngaoa kau naua, mo ko idagana vaniau bâ tana sautu atsa dou, rongona ara danga sosongo gaqu gala.

Linge 119:10

Tana tobaqu popono inau au tovokakaia laka kau aqo dou vanigo igoe; ko laka na tamivaniaqu kau liuligi tanigira nimu ketsa.

Linge 86:11

Ko sasaniau Taovia na omea vaga igoe o ngaoa inau kau naua, minau sauba kau rongomangamu dou manana. Ko sasaniau na aqo dou vaniamu tana susuligaqu popono.

Goko Tabana 4:25

Ko moro goto bâ moa tana sautu igoe o muria, mo ko laka na moro bamai.

Linge 119:64

Taovia nimu galuve vo oli e dangali poponoa na barangengo; ko sasaniau ma kau donaginigira nimu ketsa sui.

Mateo 3:3

A Ioane aia nogo na mane a Isaia na propete e gini goko tana rongona kalina aia e tsaria: “E kesa e guguu i laona na legai mangu me tsaria: ‘!Vangarau manogatia na sautu vania na Taovia, gotolia na nauna tana aia ke liu!’ ”

Linge 59:10

Niqu God e galuveau maia sauba ke mai i koniqu; maia ke tamivaniau ma kau reia kalina ke tuliusigira sui gaqu gala.

Linge 31:1

Taovia inau au mai kau toturavi i konimu. Ko laka na tamivaniaqira gaqu gala kara liusiau lê. !Igoe nogo na God na gotolaka; mau nongigo ko maurisiau!

Hibru 12:13

Kamu gotosia na sautu tana kamu liu, rongona kara tau pitsa na tuamui matemateaga. Kamu nauvaganana ia, me sauba kara gini susuliga dou tugua.

Linge 54:5

God ko gini aqo niqira sasaga tabaru gaqu gala ma na kedena ke gadovisu i koniqira segeni. Igoe nogo ko matesigira rongona igoe o doulaka saviliu vaniau.

2 Samuel 12:14

Mi tana rongona nogo igoe o pea sosongolia na Taovia mo naua na omea seko vaga iani, me sauba na dalemu ia ke mate.”

Linge 138:2

Au tsuporu vanigo i matana nimu Vale Tabu, mau tsonikaea na asamu rongona igoe o mana vaniau ma nimu galuve e vo oli; mo sauvulagia vaniau laka na asamu igoe, migira sui nimu ketsa, ara loki tsapakae.

Jona 2:5

Ma na tasi e tsavuau, me gini utugana vaniau na magomago, ma na maorodo e poli poponoau. Ma na buruburu ni tasi e virigi polia na lovaqu.