Linge 5:5 - Ghari

⁵ E seko sosongo vanigo na reiaqira na tinoni vanga kaekae; mo reisavi sosongoligira sui na tinoni vanga nauseko.

Linge 5:5 Referans Kwoze

Linge 11:5

Aia e vilekegira na douna ma na sekona tana atsa; me reisavi sosongoligira igira ara dona moa na sekoli tinoni.

Hosea 9:15

Na Taovia e tsaria, “I Gilgal nogo ara tuturiga na nauana pipi sui niqira sasaga tabaruga. Mi tana goto nogo inau au tuturiga na reisaviaqira. Mi tana rongona na omea seko ara naua, ti inau sauba kau tsialigigira tania niqu kao, me utu goto kau galuvegira. Igira sui niqira ida ara piloligi taniau nogo inau.

Linge 1:5

Igira na tinoni sasi sauba God ke kedegira, me ke molovotagira tanigira nina tinoni segeni nogo God.

Mateo 25:41

“Mi muri, minau sauba kau tsaria vanigira igira ara totu tana mauliqu, ‘!Baligi taniau igamu, aia God e reisavigamu! !Kamu baa tana lake e vo sui na iruna, aia God e vangarau manogatinogoa vania na tidao seko migira nina angelo seko!

Aqo Manetabu 20:23

Kamu laka na muriana niqira lavu igira na tinoni ara mauri i tana. Inau nogo au tsialigigira na ponotoba ara totu i tana rongona igamu kamu gini totuvia niqira kao. Igira ara lavu na nauana na omea seko sui girani, te au gini reisavigira.

Goko Tabana 1:7

Ti vaga ko ngaoa ko donalevo, ma nimu aqo ko ida talu ko kukuni tania na Taovia. Igira na tinoni bule ara tau padalokia na sasaga loki, mara sove na sasaniginiana.

Habakuk 1:13

Ma na Babilonia girani ara tinoni vanga tangopeke seko. Ma na matamu igoe ara tabu loki sosongo me tau ulagamu na reiginiana na omea seko, me utu saikesa goto ko baria na morosiana na omea seko ara naua igira na tinoni. ?Bâ, megua vaga ti o mui lê kalina igira na tinoni vanga tangopeke seko ara matesigira moa na tinoni e doulaka niqira sasaga liusigira bâ igira?

Goko Tabana 8:5

?Laka igamu amu tau vati ganoga moa? Bâ, ma kamu sasani gana kamu gini ganoga. ?Laka igamu amu bubulega moa? Bâ, ma kamu sasania na tamani sasaga.

Mateo 7:23

Mi tana, minau sauba kau tuu, ma kau tsarivanigira, ‘Inau au tau saikesa donaginigamu. !Kamu baligi taniau inau, igamu na tinoni seko!’

Sekaria 11:8

Me utu goto kau berengiti na reiana tu niqira sasaga tugira tolu na reitutugu sipi tavosi, mi laona kesa moa na vula minau au tsialigitugira. Mau qisi goto tana rongoqira na sipi ara reisaviau inau.

Sasani Sasaga 5:4

Mi kalina ti ko aqosia kesa nimu veke vania God, ma nimu aqo ko manalitsakua. Aia e tau reingaogira na bule. Ko naudoua moa na omea igoe o vekea na nauana.

Goko Tabana 1:22

“!Igamu na tinoni bule! ?Ke oka koegua sagata kamu ngaoa na totu bule? ?Me ke oka koegua sagata goto kamu totu matengana moa na tsiriana na donalevo? ?Me ke ngisa vaga ti kamu sasaga?

Linge 75:4

Mau tsarivanigira igira na tinoni vanga tsutsukibo laka kara tau goto kaekae;

Linge 130:3

?Ti vaga igoe ko tsokogira sui nimami sasi, me sauba asei ke ulagana na ba tû i matamu igoe?

Linge 94:8

?Niqu tinoni igamu, egua sagata ti amu bubulega vaga ia? ?Me sauba kengisa ti kamu sasaga?

Linge 92:6

Ma na omea vaga ia, aia na tinoni bule e utugana vania ke donaginia; ma na tinoni tau sasaga e utu goto vania ke padagadovia.

Linge 14:1

Igira na bule ara tsarisegenia i tobaqira, “E tagara sa God.” Eo, igira sui ara seko pitsu nogo, me seko saviliu pipi niqira sasaga; me tagara goto sa vidaqira ke naua sa omea ke goto.

Linge 73:3

Rongona inau au masugu vanigira na tinoni kaekae kalina au reia e vano dou pipi na omea vanigira na tinoni vanga tsutsukibo.

Linge 10:3

Na tinoni vanga tsutsukibo e gini kaekae na omea seko aia e padâ i tobana; ma na tinoni vanga susugu e goko seko me sove tania na Taovia.

Goko Tabana 15:9

Na Taovia e reisavia niqira omeomea igira na tinoni vanga nauseko, me galuvegira igira ara naua moa na omea e goto.