Linge 5:4 - Ghari

⁴ God, igoe o tau saikesa reingaoa na aqo seko ara dona na nauana igira na tinoni; mo tau goto tamia ke kesa na omea seko ke totu i matamu.

Linge 5:4 Referans Kwoze

Linge 11:5

Aia e vilekegira na douna ma na sekona tana atsa; me reisavi sosongoligira igira ara dona moa na sekoli tinoni.

Hibru 12:14

Kamu tovokakaia na totu tana rago koluaqira na tinoni sui, ma kamu tovoa na mauri tobamale pipi kalina, rongona sauba ke utu vania kesa na reiana na Taovia ti vaga ke tau male na tobana.

Malaki 2:17

Igamu amu ngoli sosongoliginia na Taovia nimui gikigoko dangadanga. Migamu amu veisua moa, “?Laka ami ngoli koeguania na Taovia?” Tana rongona nogo igamu amu tsarivaganana iani, “Na Taovia Susuliga Sosongo e padâ laka pipi sui na tinoni vanga nauseko ara tinoni dou sui moa, maia e reingaogira.” Se kamu veisua vaganana ni, “?Me laka iava nogo aia na God nina aqo ke pedegoto?”

Linge 140:13

Igira e gotodou niqira sasaga sauba kara tsonikaego; me sauba kara totu sailagi i matamu igoe.

Linge 50:21

Igamu nogo amu naugira na omea sui vaga girani, minau au tau lelê goto tsaria sa omea vanigamu, Migamu amu padâ laka inau au vaga moa igamu. Eo, mi kalina eni inau kau totosasaga kakai vanigamu ma kau adilabati vanigamu i malena nimui sasi.

Na Katemai 21:27

Me sauba ke tagara goto ke kesa na omea seko, se ke kesa ke naua na omea paluvangamaga se ke pero, ke dona ke sage i laona na vera loki ia. Igira segeni moa na asaqira ara totu nogo i laona nina papi na mauri na Dalena Sipi, igira moa sauba kara sage baa i laona na vera loki ia.

Habakuk 1:13

Ma na Babilonia girani ara tinoni vanga tangopeke seko. Ma na matamu igoe ara tabu loki sosongo me tau ulagamu na reiginiana na omea seko, me utu saikesa goto ko baria na morosiana na omea seko ara naua igira na tinoni. ?Bâ, megua vaga ti o mui lê kalina igira na tinoni vanga tangopeke seko ara matesigira moa na tinoni e doulaka niqira sasaga liusigira bâ igira?

Linge 92:15

Mi tana nogo e sauvulagia laka na Taovia e gotolaka, aia nogo e reitutuguau, me tagara goto ke kesa na omea ke seko i konina.

2 Petero 3:13

Migita a pitua moa laka God ke manalia na omea aia e vekenogoa vanigita, laka sauba ti kara ka laba na baragata vaolu ma na barangengo vaolu. Migira segeni moa ara totugoto i matana God sauba kara sage i laona.

Linge 101:7

Sauba ke tagara goto sa tinoni e dona na pero ke totu i laona na valequ; me utu kau tamivania sa tinoni vanga malapalu ke mai totu i mataqu inau.

Linge 94:20

Igoe o sove tanigira na tinoni pede ara dona na pedeseko, igira ara pilosekolia na ketsa dou tsavuginia niqira pedeseko,

Na Katemai 21:23

Me tau goto kilia na aso se na vula ke sinaria ti ke gini marara na verabau ia, rongona na mararana God nogo e mararasia, ma na Dalena Sipi nogo e ngiti mararana.

Ioane 14:23

Ma Iesu e tsaria, “Asei ti ke galuveau maia sauba ke murigira niqu sasani. Ma na Tamaqu sauba ke galuvea, mi kagami Tamaqu sauba kami ka mai i konina ma kami ka totu kolua.

1 Turupatu Dato 29:17

Inau au dona laka igoe o tovolea na tobaqira pipi sui na tinoni, mo reingaogira moa igira e gotolaka niqira sasaga. Mi tana niqu gotolaka inau au gini mage na sauana na omea sui girani vanigo, mau reigotoa laka igira nimu tinoni ara saimai ieni ara gini mage sosongo goto na sauvaniamu niqira vangalaka.

Linge 63:2

Ko tamivaniau ma kau ba reigo tana nimu Vale Tabu, ko tamivaniau ma kau reilakana na susuligamu ma na mararamu.

Linge 88:14

?Taovia, rongona gua ti o sove taniau inau? ?Egua ti o piloligi taniau vaga ia?