Linge 5:3 - Ghari

³ migoe o rongomia na tatangina na lioqu tana matsaraka. Mi kalina e dato na aso inau au saua niqu savori vanigo, mau tû mau pipitugo.

Linge 5:3 Referans Kwoze

Linge 119:147

Kalina e tau vati dato moa na aso, minau au ngangaidato vanigo ko sangaau; au vataraginia niqu amesi tana nimu veke igoe o naunogoa vaniau.

Linge 88:13

Taovia inau au soago ko sangaau; pipi tana matsaraka inau au nonginongi vanigo.

Marko 1:35

Mi tana matsaraka rovorovo, kalina e tau vati dato moa na aso, ma Iesu e tuu me rutsu tania na vale. E mololea na vera ia, me vano kesa tana nauna e mangu, mi tana e nonginongi.

Linge 130:6

Au amesia na Taovia ke sangaau, liusia niqira amesi igira na mane matali tana bongi kalina ara pitu sosongolia ke vovomai tsaku na dani.

Linge 55:17

Tana matsaraka mi tana niaso mi tana ngulavi bongi au tatamanga mau kukungu dato vania, maia sauba ke rongomia na tatangina niqu goko.

Isaia 26:9

Tana bongi inau au lalavego igoe tana kosuqu popono; mi kalina igoe ko tû na pedeana na barangengo kolugira na tinoni i laona, mi tana ti igira sui sauba kara donaginia e koegua vaga na pede gotolaka.

Linge 69:16

!Rongomiau Taovia rongona igoe o dou sosongo ma nimu galuve e vo oli! !Tana nimu galuve loki ko pilovisumai i koniqu inau!

Linge 22:2

Tana dani popono au soago igoe niqu God, migoe o tau lelê goto tugua niqu nonginongi; mi tana bongi mau tau goto mango na sosoa.

Nina Papi A Job 34:28

Mara rotasi sosongoligira goto na tinoni ara tau tamanina sa omea, ti igira ara gini ngangaidato vania God ke sangagira, maia e rongomia niqira nonginongi.

Linge 44:5

mi tana gamu susuliga nogo igoe ti igami ami tuliusiginigira gamami gala.

Linge 74:12

Migoe nogo God o taovia tsapakae vanigami tû mai nogo tana tuturigana tsotsodo, mo sogogamami nogo danga sosongo kalina.

Linge 84:4

Ara mage sosongo nomoa igira ara mauri i laona nimu Vale Tabu, mara lingena sailagi na tsonikaeamu igoe.

Linge 130:2

!Taovia ko rongomia niqu nonginongi; ko rongomiau kalina au ngangaidato vanigo ko sangaau!

Linge 145:1

Sauba kau tsonikaego sailagi igoe niqu God ma niqu taovia tsapakae; ma kau soadougo na dani ma na dani.

Tangitangi 3:56

mau tsaria, ‘Ko laka na rongomileana niqu ngangaidato vanigo ko sangaau.’ Migoe o rongomiau.