Linge 5:11 - Ghari

¹¹ Kara gini magemage igira sui ara toturavi dou i konimu igoe; kara lilinge sailagi tana mage loki. Ko reitutugugira dou igira ara padalokia na asamu; matena tana rongomu nogo igoe ti igira ara gini dona na mage loki manana.

Linge 5:11 Referans Kwoze

Roma 8:28

Igita a dona nogo laka God e dona na gini aqo pipi na omea sui ti ke gini laba na omea dou vanigira ara galuvea, igira nogo aia e viligira kara naua na omea aia e kilia.

Linge 68:3

Igira na tinoni e gotodou nogo niqira sasaga ara gini magemage na tû i matana God; me dou na tobaqira mara gudato tana magemage.

Linge 40:16

Migira sui ara mai totu raviravi i konimu igoe ke dou na tobaqira ma kara gini magemage. Migira sui ara soadougo rongona igoe o maurisigira, kara tau kuti na tsariana, “!E loki sosongo nomoa na Taovia!”

Iakobo 1:12

Ke mage aia na tinoni e dona na tukakai kalina na tabotabo e tovo lea. Rongona kalina ti aia ke tangomana na putsi taniana na tovo ia, me sauba God ke sauvania na peluna na maurilaka vaga aia e vekenogoa vanigira igira sui ara galuvea.

1 Korint 2:9

Rongona ara marea na omea iani tana Mamare Tabu: “Na omea vaga na matana tinoni e tau vati reia moa, ma na kulina tinoni e tau vati rongomia moa, ma na tobana tinoni e tau vati pada moa, aia nogoria na omea loki putsikae God e vangaraunogoa vanigira igira ara galuvea.”

Na Katemai 18:20

!Ko magemage igoe na baragata, migamu sui goto nina tinoni God, migamu na apostolo ma na propete, rongona God e pedenogoa na vera loki ia tana rongona na omea seko aia e naua vanigamu!

Iakobo 2:5

!Kamu rorongo dou, tasiqu galugaluve! God e viligira na tinoni sekona lee i barangengo kara gini tamani tsapakae na tutuni, ma kara gini tamanina na verana God e vekenogoa vanigira igira ara galuvea.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Linge 2:12

Kamu gariri ma kamu tsuporu i matana; ke tau tavongani labadato tsaku na korena, me ke tavongani novotigamu lê na mate. Eo, kara mage igira sui ara dona na ba totu raviravi i konina aia.

Linge 69:36

migira na kukuaqira nina tinoni aqo sauba kara tangolidatoa babâ na kao ia, migira sui ara padalokia God sauba kara mauri dou i tana.

Linge 65:13

Na sipi ara dangalia na poi popono; mi tana qouna e tovusi poponoa na uta na uiti. Eo, igira na omea sui lakalaka ara gudato mara lilinge tana magemage.

Linge 35:27

Migira moa ara ngaoa laka ke managaqu inau, kara tû ma kara gudato tana magemage ma kara tsari sailaginia, “!E loki tsapakae manana na Taovia! Aia e gini mage na reiana kalina e managana nina tinoni aqo.”

Linge 58:10

Migira na tinoni e goto niqira sasaga sauba kara gini magemage kalina kara reia God e kedegira na tinoni sasi; sauba kara vulia na tuaqira tana gabuqira na tinoni vanga tsutsukibo.

Nina Papi A Job 38:7

Mi kalina ara reivaganana ia, migira na veitugu ara gini magemage mara linge kolu, migira sui goto na angelo i gotu ara gudato tana magemage.

Tinoni Pede 5:31

!Taovia e dou bâ ti igira sui gamu gala igoe kara mate vaga ia, migira moa na kulamu igoe kara maka vaga na aso kalina e dato vaolu! Mi tana e laba na rago tana vera ia i laona e vati sangavulu na ngalitupa.