Linge 5:10 - Ghari

¹⁰ Migoe God, ko tusuvanigira na matena niqira tsutsukibo; me ke gadovisu segeni i koniqira na omea seko ara vangaraua na nauana. Ko tsialigigira tania na matamu rongona na sasi danga ara tsukia, mara petsakoe loki vanigo igoe.

Linge 5:10 Referans Kwoze

Isaia 63:10

Migira moa ara sove tania, me gini melu nina Tarunga Tabu. Maia nogoria na rongona ti na Taovia e vaigalagi kolugira, me vailabu kolugira.

2 Samuel 17:14

Maia Absalom migira sui na Israel ara tsaria, “Nina totogoko a Husai e dou liusia bâ nina totogoko a Ahitopel.” Na Taovia e pede idanogoa laka kara tau muria nina totogoko sasaga a Ahitopel, rongona ke gini labavania a Absalom na omea seko loki.

1 Korint 3:19

Rongona nina sasaga loki na barangengo e vaga moa ti na omea bubulega lee i matana God. E vaga nogo ara marea tana Mamare Tabu mara tsaria, “God e sogotigira na tinoni sasaga i laona nogo niqira sasaga loki.”

Linge 71:13

Ko naua migira ara ngaoa laka kara sugutiau inau ke tau nogo managaqira ma kara mate lê sui. Migira ara tovoa na sekoliaqu, igoe ko naua ma kara seseada me ke paluvangamaqira lê.

Linge 31:18

Ko muisigira igira na vanga peropero igira sui ara dona na molokae segeniqira ma na goko peapea, mara tsirigira na tinoni e gotodou niqira sasaga.

2 Samuel 17:23

Mi kalina a Ahitopel e reia laka ara tau nogo muria nina totogoko, maia e tû me sage tana nina asi me visutugua i verana segeni. Me aragogira nina omea sui, mi muri maia e tû me ba ligoti segenina. Mara ba qilua tana ara qilugira nina vungu.

2 Samuel 15:31

Mi kalina a David e rongomia laka a Ahitopel goto e sanga tabana i konina a Absalom maia David e nonginongi me tsaria, “!Kiki Taovia, ko piloa nina goko parovata a Ahitopel me ke lia na goko bubulega!”

Hosea 9:7

Na tagu na kede e mailaba nogo, na tagu i tana igamu sauba kamu adia na peluna mimui aqo seko amu naua. Mi kalina ke laba na tagu vaga ia, migamu na Israel sauba kamu reigadovia laka aia nogo na peluna nimui aqo seko. Migamu amu tsarivaganana iani tana rongoqu inau, “Na propete iani e bule. Na mane iani aia e tsaria laka God e goko vania e bubulega nogo.” Eo, igamu amu reisavi sosongoliau inau rongona e loki sosongo nimui sasi.

Tangitangi 1:5

Me managaqira igira gana gala na Jerusalem; mara tagaovi kaputia. Na Taovia e naua, maia e gini rota loki mateqira nina sasi danga aia e naugira. Ara tangoligira na dalena mara aditsekavanogira.

Linge 55:15

!Au amesia na mate ke tavongani novotigira gaqu gala kalina e tau vati tsau niqira tagu na mate; ma kara tsuna mamauri i laona na barangengo na mate! Na seko e totu popono i laona na valeqira mi laona na tobaqira.

Linge 35:26

Migoe Taovia ko naua, ma kara luvu lê igira ara gini mage tana rongona na rota e gadoviau inau, me ke ponopala lê na tobaqira, migira ara koesegeniqira mara tsaria laka ara dou bâ liusiau inau, igoe ko naua, me ke tsavugira popono na vangamâ me ke paluvangamaqira.

Daniel 9:9

Migoe o galuve sosongoligami nomoa mo padalegira nimami sasi, atsa moa ti igami ami piloligi nogo tanigo.

Daniel 9:5

“Igami ami tinoni vanga nauseko, mami sasi sosongo nogo, mami naugira moa na omea e tau goto i matamu. Igami ami pea mangamu mami sove na nauana na omea e gotolaka i matamu vaga igoe o ketsaliginigami kami naua.

Isaia 1:20

Me ti vaga amu petsakoe mangaqu inau, me sauba nomoa kamu mate tana vailabu. Inau nogo na Taovia au tsaria na omea iani.”

Isaia 1:2

Na Taovia e tsaria, “!Kagamu na barangengo ma na masaoka kamu ka rongomia na omea inau au tsaria! Igira nogoa na baka inau au lokisigira ara tû mara sove taniau inau.

Linge 107:11

rongona ara petsakoe mara tau ngaoa na muriana nina ketsa na God Susuliga Sosongo, mara sove tania nina totosasaga aia e nauvanigira.

Linge 79:12

Taovia, ko tuguvisu vanigira igira na puku tavosi ke vitu kalina tana rongona pipi sui niqira goko peapea ara naua vanigo.

Linge 66:7

Aia e tagao kalavata saviliu ginia na susuligana tsapakae, me morosigira dou na omea sui ara naua igira na puku sui. Vaga ia ma kara laka na kaekae igira ara sove na rongomangana.

Linge 17:13

!Taovia ko mai tsaku! Ko butogira gaqu gala me ke tau lelê managaqira. Ma nimu isi ko maurisiginiau tania na limaqira na tinoni vanga tsutsukibo.

Linge 10:15

Ko adipukalia na susuligaqira na tinoni vanga tsutsukibo ma na tinoni vanga nauseko; mo ko kedegira tana rongona na omea seko ara naua poi ke tsau kalina kara tau naugotoa.

Esta 7:10

Me vaga ia, mara ba tsauraginia a Haman tana gai na ligo aia segeni nogo e vaturikaea, gana ke tsauraginia a Mordekai i konina. Mi tana me gini bisitugua na korena na taovia tsapakae.

2 Turupatu Dato 25:16

Mi tana, ma Amasia e kutia nina goko na propete me tsaria, “?Laka ingisa nogo igami ami mologo igoe ko lia na mane sauparovata vania na taovia tsapakae? !Ko mui, ti tagara ma kau matesigo inau!” Maia na propete e mui me tsaria moa, “Kalina ia inau au dona laka God e padakuti matena nogo na matesiamu igoe, rongona igoe o naugira na omea sui girani, mo sove na muriana niqu goko parovata.”

1 Samuel 25:39

Mi kalina a David e rongomia laka e mate nogo a Nabal maia e tsaria, “!Tsonikaea na Taovia! Aia e tangotuguqu nogo i konina a Nabal rongona aia e goko peapea vaniau inau, maia na Taovia e tangolivisua na limana nina maneaqo ke tau naua sa omea seko. Na Taovia nogo e kedea a Nabal tana rongona nina sasi.” Mi muri ma David e mologoko vania ko Abigail laka e ngaoa ke taugâ.

1 Samuel 25:29

Me ti vaga ke kesa ke takuvigo igoe me ke area na matesiamu, ma na Taovia nimu God sauba ke reitutugugo, vaga nogo kesa na mane e reitutugudou sosongolia kesa nina omea matega loki sosongo. Migira gamu gala igoe, sauba aia ke tsoniligigira vaga kalina kesa na mane e tsonia na vatu tana nina kurupaqala.

Na Vaolusi Ketsa 2:30

“Maia Sihon na taovia tsapakae ni Hesbon e tau tamivanigita ka liu taligu tana nina butona kao. Ma na Taovia nimui God e naua maia a Sihon e gini tsatsarae me petsakoe sosongo, rongona igita ka gini tangomana na tuliusiana ma na lauana nina butona kao, na kao aia igita a tototu moa i laona kalina ia.