Linge 48:1 - Ghari

¹ Na Taovia e loki me ulagana kara tsonikae sosongolia bâ i laona nina verabau nida God, tana nina vungavunga tabu.

Linge 48:1 Referans Kwoze

Mika 4:1

Me kesa tana tagu i muri bâ, maia na Vungavunga Sion i tana e tû nina Vale Tabu na Taovia, sauba ke dato liuliu bâ, me ke katsi liusigira na vungavunga sui. Migira na puku danga sauba kara kalemaia moa aia,

Sekaria 8:3

Minau sauba kau visutugua i Sion, ma kau ba totu kalavata i Jerusalem niqu verabau tabu. Me sauba igira na tinoni sui kara soaginia Jerusalem na Verabau e Totu Kakai Konina God. Ma nina vungavunga na Taovia Susuliga Sosongo kara soaginia na Vungavunga Tabu.

Linge 96:4

Na Taovia e loki tsapakae, me ulagana sosongo nomoa igita ka tsonikaea; aia nogo igita ka kukuni loki tania liusigira bâ na god tavosi

Linge 46:4

Tana verana God, mi tana valena tabu God aia e Taovia Susuliga Sosongo, e totu kesa na ko loki e saua na mage dou vanigira sui ara totu i tana.

Linge 145:3

Na Taovia e loki tsapakae me ulagana kara tsonikae sosongolia, ma gana loki tsapakae e utu na padagadoviana.

Na Katemai 21:2

Mau reia na Vera Tabu Loki, aia na Jerusalem vaolu, e tsunamai talu i gotu i konina God. Aia e vangarau manogati segenina nogo, vaga kesa na daki tauga vaolu e sagelia gana inilau me baa na valaleana na savana.

Linge 87:3

Igoe nina verabau God ko rongomigira na omea dou rago aia e tsaria tana rongomu igoe:

Na Katemai 19:5

Me tangigoto kesa na goko e talumai tana nina sasana na totukae na Taovia me tsaria, “!Kamu tsonikaea nida God igamu sui nina tinoni aqo, migamu na toga sui, na lokina ma na tetelona, igamu sui amu kukuni tania!”

Mateo 24:15

“Sauba kamu reia na ‘Omea Seko Loki Liuliu Baa’ vaga e katemainogoa a Daniel na propete i sau. Me sauba kara turuvaginia aia i laona na Vale Tabu.” !Masei ti ke tsokoa na mamare iani, ma nina aqo ke padagadovidoua nagua na rongona!

Linge 99:9

!Tsonikaea na Taovia nida God; samasama vania tana nina vungavunga tabu! Na Taovia nida God aia segeni e tabu loki.

Linge 87:1

Maia na Taovia e logoa nina verabau i kelana na vungavunga tabu;

Linge 86:10

Igoe o susuliga sosongo mo aqosigira na omea dou sui; migoe segenimu o God.

Linge 78:68

Maia e tû moa, me ba viligira na puku konina a Juda, ma na Vungavunga Sion aia nogo e reingao sosongolia bâ.

Linge 65:1

Igoe God e ulagamami sosongo nomoa ti kami tsonikaego i Sion, ma kami manaligira na veke ami naua vanigo,

Linge 47:8

God e totukae tana nina belatabu me tangoli kaputigira na puku sui.

Linge 46:1

God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Hibru 12:22

Tagara, migamu amu mai nogo varangisia na Vungavunga Sion, ma na verana na God mamauri, aia na Jerusalem ni gotu, kolugira na toga na angelo ara magemage i laona.

Jeremia 31:23

Na Taovia Susuliga Sosongo, na God ni Israel, e tsaria, “Kalina inau kau adivisugira na tinoni tana niqira kao segeni, mi tana ti igira na tinoni ara totu tana vera sui i laona na butona kao popono tana Juda, sauba kara tsaritugua na goko vaga iani, ‘Na Taovia ke tabua na tetena tabu ni Jerusalem, na nauna i tana aia e totu.’

Isaia 27:13

Mi kalina ke labamai na tagu ia, me sauba kara uvia na tavuli gana kara soavisumaigira sui na Israel ara totutseka i laona na Asiria ma na Ejipt. Migira sauba kara visumai ma kara samasama vanitugua na Taovia i Jerusalem tana nina vungavunga tabu.

Linge 147:5

E loki tsapakae me susuliga sosongo nida Taovia; ma nina sasaga loki e utu na tsarituguana.

Linge 30:1

Au tsonikaego Taovia rongona igoe nogo o maurisiau, mo tau tamivanigira gaqu gala kara tseqo poliau.

Nehemia 9:5

Mi muri mara visana na Levite ara soagira na tinoni kara mai lotu vania God: tugira nogo a Jesua, ma Kadmiel, ma Bani, ma Hasabneia, ma Serebia, ma Hodia, ma Sebania ma Petahia. Mara tu tsaria: “!Kamu tû ma kamu tsonikaea na Taovia nimui God na dani ma na dani! Na tinoni sui kara tsonikaea na asana tabu, atsa moa ti ke tagara goto sa nina tsonikae na tinoni ke ulagana.”

Linge 42:1

Vaga moa na dia e kili sosongolia ke tsodoa kesa na ko vuravura bisibisi dou, aia saikesa nogo au vaga inau, au kili sosongolia goto kau tsodogo igoe niqu God.