Linge 47:8 - Ghari

⁸ God e totukae tana nina belatabu me tangoli kaputigira na puku sui.

Linge 47:8 Referans Kwoze

1 Turupatu Dato 16:31

!Kara ka magemage kaira na barangengo ma na masaoka! Katevulagi vanigira na puku tavosi sui laka God aia segeni moa e taovia tsapakae.

Na Katemai 19:6

Mi muri, mau rongomia kesa na omea e maququ vaga kalina ara gogoko kesa na alaala loki, ma na tatangina e qulututu vaga na alealena na sasavu na ko loki, me vaga na podana na vivisa. Mau rongomigira ara tsaria, “!Ka tsonikaea God! !Rongona na Taovia nida God Susuliga, aia segenina nogo e Taovia Tsapakae!

Hibru 4:16

Vaga ia, migita ka malagai, ma ka laka na matagu na ba varangisiana nina sasana na totukae God i tana nogo e totu nina vangalaka. Mi tana aia sauba ke galuvegita me ke vangalaka vanigita, me ke sangagita tana tagu na rota.

Linge 93:1

Na Taovia aia nogo e taovia tsapakae. E susuliga sosongo me tangiloki na rongona. Aia nogo e vaturikakaia na barangengo, me utu goto ke ratsu bamai.

Linge 89:14

Igoe o palakae mo tagaovigira na tinoni tana gotolaka ma na pedegoto; ma nimu galuve vo oli ma gamu mana saviliu ara labamaka i laoqira pipi sui na omea igoe o naugira.

Linge 9:4

Igoe o totu tana nimu sasana na totukae, mo saua na pede gotolaka; migoe nogo o sogogaqu inau.

Na Katemai 20:11

Mi muri, mau reigotoa kesa na sasana na totukae, e loki me sere, ma na tamanina e totu kaekae i konina. Mi kalina kaira sui na barangengo ma na baragata ara morosi vaganana ia, mara ka mataguni sosongolia, mara ka tsogoligi tania, mara ka ba nanga lee saikesa.

Linge 110:6

Maia sauba ke kedegira na puku tavosi, ma na kubuqira na tinoni mate kara viri tsaro i tana ara vailabu. Aia nogo ke tuliusigira na taovia tsapakae sui tana barangengo popono.

Linge 99:1

Na Taovia aia nogo e taovia tsapakae; migira na tinoni sui ara gariri i matana. Aia e totu tana nina sasana na totukae i kelana na rapoqira na angelo, me gini kakasisi popono na barangengo.

Linge 97:1

!Na Taovia e taovia tsapakae! !Igoe na barangengo ko gini magemage! !Migamu goto na momoru sui ni tasi kamu mage loki!

Linge 96:10

Ma kamu katevulagia vanigira na puku tavosi sui laka “!God aia segeni moa e taovia tsapakae! Aia nogo e vaturikakaia na barangengo, me utu goto ke ratsu bamai; me sauba aia nogo ke pedegira na tinoni sui tana pedegoto.”

Linge 94:20

Igoe o sove tanigira na tinoni pede ara dona na pedeseko, igira ara pilosekolia na ketsa dou tsavuginia niqira pedeseko,

Linge 48:1

Na Taovia e loki me ulagana kara tsonikae sosongolia bâ i laona nina verabau nida God, tana nina vungavunga tabu.

Linge 99:2

Na Taovia e susuliga sosongo i Sion; me loki tsapakae kaputigira na puku sui.

Sekaria 14:9

Mi tana ma na Taovia sauba ke taovia tsapakae kaputia na barangengo popono, migira na tinoni sui sauba kara donaginia laka e kesa moa na God ma kara samasama vania.

Malaki 1:14

Inau na Taovia sauba kau labusaginia na tinoni e nauvaganana ia. Aia na vanga peqo, e tamaniragoa na omea tuavati mauri dou i laona nina bara me gini veke nogo laka sauba ke savoria vaniau, mi muri me tû me savori vaniau na omea tuavati sekoseko. Ma na nauvaganana ia e tau saikesa goto rongona inau na Taovia Loki Tsapakae, migira na tinoni pipi sui tana puku ara kukuni sosongo taniau inau.”