Linge 47:6 - Ghari

⁶ !Lingena na tsonikaeana nida God, lingena na tsonikaeana nida taovia tsapakae!

Linge 47:6 Referans Kwoze

Mateo 25:34

Mi muri kau tsarivanigira igira ara totu tana madoaqu, ‘!Kamu mai igamu, aia na Tamaqu e reingaogamu! Kamu mai, ma kamu tamanina na verana aia God e vangarau manogatinogoa vanigamu, e tuu mai nogo kalina e botsa na barangengo.

Linge 68:4

Linge vania God, lingena na tsonikaeana na asana; vangaraua na sautu vania aia e totukae i kelana na parako. !Na Taovia nogo na asana, migamu kamu gini mage na tû i matana!

Isaia 33:22

Ma na itaina niqira vaka ara viri obeobe sui me utu nogo kara tangolikakaia na tuguru, me utu goto ke tavuresi niqira selo. Migita sauba ka ba laugira pipi sui niqira omea levolevo igira gada gala, me ke danga sosongo na omea ma kara mai goto igira na logu ma kara adigotoa niqira turina. Na Taovia segenina nogo sauba ke lia nida taovia tsapakae; maia sauba ke tagaovi kaputigita me ke reitutugugita.

Linge 145:1

Sauba kau tsonikaego sailagi igoe niqu God ma niqu taovia tsapakae; ma kau soadougo na dani ma na dani.

Mateo 27:37

Me kesa na pava ara pogaa i gotu gana ngongo dato tana lovana, ara marea i konina na goko vaga iani: “Iani a Iesu, niqira Taovia Tsapakae na Tsiu.”

1 Turupatu Dato 16:9

Linge na tsonikaeana na Taovia; katevulagigira na omea dou sui aia e naugira nogo.

Linge 89:18

Igoe nogo Taovia o vilia vanigami aia kesa ke reitutugugami; igoe na God Tabu ni Israel, igoe nogo o tusuvanigami gamami taovia tsapakae.

1 Turupatu Dato 29:20

Mi muri, ma David e ketsaligira na toga me tsaria, “!Igamu sui kamu tsonikaea na Taovia nimui God!” Mi tana, migira sui lakalaka na toga ara saikolu i tana ara tsonikaea na Taovia niqira God na mumuaqira, mara tao tsuporu i matana na Taovia mi matana goto na taovia tsapakae.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Binaboli 15:21

Ma ko Miriam e lilinge vanigira me tsaria: “Linge vania na Taovia, rongona aia e mana sosongo gana; aia e tsoni luvusigira i laona na tasi igira sui na ose migira ara sage i koniqira.”

1 Turupatu Dato 15:28

Mi tana migira sui lakalaka na Israel ara tsarimurina na Bokisi na Taso vano i Jerusalem, mara gugu dato tana magemage, mara uvi tavuli, mara rekesia niqira tsetsê, mara taigotoa niqira itai tatangi.