Linge 47:4 - Ghari

⁴ Aia nogo e vilivanigita na kao tana igita a totu konina, migita a gini kaekae na tamaniana, igita nina tinoni aia e galuvegita dou sosongo.

Linge 47:4 Referans Kwoze

1 Petero 1:4

Migita a gini amesi sosongolia laka ka tamanigira na omea dou putsikae, aia na omea God e mololaka vanigira nina tinoni tana verana i gotu. I tana e utu kara ratsa lee, se kara tola lee, se kara nangaligi lee.

Nahum 2:2

Na Taovia e vangaraunogoa ke sauvisutugua gana tangirongo na Israel, vaga e tamanina nogo tana idana kalina igira gana gala ara tau vati sekolivania gana susuliga.

Amos 6:8

Na Taovia God Susuliga Sosongo e vatsa tana asana segeni me tsaria: “Inau au reisavi sosongolia niqira kaekae igira na tinoni ni Israel; mau reisavigotoa niqira valevatu loki rerei dou. Me sauba kau sauligi vanigira gagira gala niqira verabau pukuga ma na vangana sui i laona.”

Amos 8:7

Na Taovia na God ni Israel e vatsa me tsaria, “E utu saikesa kau padalea niqira aqo seko ara naua.”

Hosea 14:4

Ma na Taovia e tsaria, “Inau sauba kau adivisumaigira tugua niqu tinoni i koniqu. Sauba kau galuvegira tana tobaqu popono, rongona au tau nogo kore vanigira.

Epesus 1:18

Au nongigotoa rongona ke gini taporatsa nimui papada, ma kamu reiginia na mararana, mi tana ti kamu padagadoviginia laka nagua na amesi aia nogo e ngaoa kamu tamanina; me koegua na douna putsikae na vangalaka God e vekea vanigira nina tinoni;

Mateo 25:34

Mi muri kau tsarivanigira igira ara totu tana madoaqu, ‘!Kamu mai igamu, aia na Tamaqu e reingaogamu! Kamu mai, ma kamu tamanina na verana aia God e vangarau manogatinogoa vanigamu, e tuu mai nogo kalina e botsa na barangengo.

Malaki 1:2

Ma na Taovia e tsarivaganana iani vanigira nina tinoni, “Inau au galuvegamu sailagi.” Migira ara veisuâ, “?Laka tana gua e gini labavulagi vanigami nimu galuve?” Ma na Taovia e tuguvisua me tsaria, “Kaira a Esau ma Jakob ara ka tamatasi, minau au galuvea a Jakob migira na kukuana,

Esekiel 20:6

Mi tana tagu nogoria ia inau au veke vanigira laka kau adirutsumigira tania na Ejipt, ma kau idagana sautu vanigira tsau bâ tana butona momoru inau au vilinogoa vanigira, i tana e lakataga dou sosongo na kao, me dou liusigira bâ na kao sui.

Jeremia 3:19

Ma na Taovia e tsaria, “Israel, inau au ngaoa kau tabego igoe vaga kesa na dalequ, ma kau sauvanigo kesa na butona kao dou sosongo, aia na kao dou liuliu bâ i laona na barangengo popono. Minau au ngaoa igoe ko soaginiau Mama, mo ko laka goto na piloligi taniaqu.

Isaia 60:15

“Jerusalem, igoe ara tsonilego, mara reisavigo i sau, me tagara goto sa tinoni ke liuputsi tana nimu sautu loki. Minau sauba kau naua, migoe ko gini rereidou me ke tangilokitugua gamu rongo, mo ko lia na vera na mage sailagi na dani ma na dani.

Linge 16:3

Ara doulaka saikesa igira ara totukakai i konina na Taovia. Me gini mage loki na tobaqu inau na totu koluaqira na tinoni vaga gira.

Na Vaolusi Ketsa 11:12

Na Taovia nimui God e reitutugua na kao iani me mamatania i laona na ngalitupa popono.

Na Vaolusi Ketsa 33:3

Eo, na Taovia e galuvegira nina tinoni, me reitutugudougira igira aia e tamanigira. Me vaga ia migita ka tsuporu i matana ma ka muridougira pipi sui nina ketsa.

Linge 136:22

me tusulea niqira kao vania Israel nina tinoni aqo ia; rongona nina galuve e totu saviliu.