Linge 47:3 - Ghari

³ Aia nogo e sangagita ti igita a gini tangomana kaputigira na toga me naua migita a gini tagao kaputigira na puku tavosi sui.

Linge 47:3 Referans Kwoze

1 Korint 15:25

Rongona a Iesu Kristo nogo nina aqo ke tagao kalavata, poi ke tsau kalina God ke labu pukaligira sui gana gala, me ke livugira i limana aia.

Linge 18:47

Aia e sauvaniau na tangomana na tuliusiaqira igira gaqu gala, maia e mologira danga na puku tavosi i limaqu inau,

Linge 110:1

Na Taovia e tsarivania niqu taovia: “Ko totu ieni tana madoaqu, poi tsau kalina kau tsogori tsunagira gamu gala ma kara tseka vanigo.”

Linge 81:14

Minau kau tau goto kisâ na bingi sekoliaqira gaqu gala ma na tuliusiaqira sui.

Pilipi 3:21

Me sauba aia ke oligira na konida maluku matemateaga, me ke naua ma kara atsa vaga nogo na konina aia kalina aia e maurivisutugu tania na mate. Maia ke naua na omea iani tana susuligana loki e tamanina gana na tagaoviginiaqira pipi na omea sui.

Na Vaolusi Ketsa 33:29

!Igamu na Israel, kamu magemage dou! E tagara goto sa puku tinoni ke atsa kolugamu igamu, igamu nogo na puku na Taovia e laumaurisigamu. Na Taovia segenina nogo aia nimui tako ma nimui isi, gana ke isutugumui me ke sangagamu kamu gini tangomana. Igira gamui gala sauba kara nongigamu kamu galuvegira, migamu sauba kamu tsogori tsunaligira.”

Josua 21:44

Ma na Taovia e sauvanigira na rago tana vera popono, vaga nogo e vekevanigira na mumuaqira. Me tagara lelê goto ke kesa vidaqira igira sui gaqira gala e tangomana na tuliusiaqira na Israel, rongona na Taovia nogo e sauvanigira na Israel na tangomana gana na tuliusiaqira sui gaqira gala.

Linge 66:5

Mai ma kamu reigira na omea sui God e naugira, nina aqo loki aia e naugira i laoqira na tinoni.

Linge 95:3

Rongona na Taovia aia e God susuliga sosongo, maia e taovia tsapakae susuliga liusigira pipi sui na god tavosi.

Linge 99:2

Na Taovia e susuliga sosongo i Sion; me loki tsapakae kaputigira na puku sui.

Jeremia 10:7

?Masei ke tau padalokigo igoe na taovia tsapakae kaputigira na puku sui? E ulagana nomoa kara padalokigo, rongona e tagara goto ke kesa ke atsa kolugo igoe i laoqira na tinoni sasaga pipi sui tana puku, se i laoqira niqira taovia tsapakae.

Sekaria 14:9

Mi tana ma na Taovia sauba ke taovia tsapakae kaputia na barangengo popono, migira na tinoni sui sauba kara donaginia laka e kesa moa na God ma kara samasama vania.

Malaki 1:14

Inau na Taovia sauba kau labusaginia na tinoni e nauvaganana ia. Aia na vanga peqo, e tamaniragoa na omea tuavati mauri dou i laona nina bara me gini veke nogo laka sauba ke savoria vaniau, mi muri me tû me savori vaniau na omea tuavati sekoseko. Ma na nauvaganana ia e tau saikesa goto rongona inau na Taovia Loki Tsapakae, migira na tinoni pipi sui tana puku ara kukuni sosongo taniau inau.”