Linge 46:2 - Ghari

² Vaga ia, me sauba e utu goto igita ka matagu, atsa moa ti vaga na barangengo ke kasisi popono, ma na vungavunga kara luvu takuti i laona na mao rodo.

Linge 46:2 Referans Kwoze

Linge 23:4

Atsa moa ti inau kau liu i laona na rodo pulipuli, me sauba e utu goto kau matagu, rongona igoe nogo Taovia o totu koluau. Ma gamu itoro ma nimu bao igoe o reitutuguginiau.

Hibru 13:6

Vaga ia, me ida gita ma ka malagai na tsariana tana gokona na Linge Tabu, “Na Taovia niqu sasanga, me utu kau matagu. ?Nagua tangomana kesa na tinoni lee ke naua vaniau?”

Linge 27:3

E atsa moa ti vaga igira na alaala popono na mane vaumate kara tupoliau, me utu lelê goto kau matagu. Me atsa moa ti igira gaqu gala kara saisai gaqu, minau sauba kau norukakaia moa God.

Mateo 21:21

Ma Iesu e tsaria, “Au tsaria na manana vanigamu: ti vaga kamu tutunina kakai, ma kamu tau goto tobaruka, me sauba kamu tangomana goto na nauana na omea vaga inau au naua vania na gai iani. Me tau laka na omea vaga moa ia. Me sauba goto ti kamu ketsalia na vungavunga garia, ma kamu tsarivania, ‘Ko tavutikae, mo ko ba tsoni segenimu i laona na tasi,’ me sauba nomoa ke laba vaga ia.

Luka 21:33

Na baragata ma na barangengo sauba kara ka nangaligi lee. Ma niqu goko inau, e utu saikesa kara nangaligi.

Linge 82:5

“!E pono nomoa na tobamui igamu, mamu tau dona sa omea! Igamu amu liu saikesa moa i laona na rodo, ma na pedegoto e nanga taninogoa na barangengo.

Linge 18:7

Mi tana, ma na barangengo e kakanu loki me olaola takuti. Ma na pukuqira na masaoka ara viri kakasisi, rongona nogo God e kore loki sosongo.

2 Samuel 22:3

Niqu God aia nogo e reitutuguau, mi konina nogo ia inau au totu raviravi dou. Aia e dilaau vaga moa na tako; maia nogo e isutuguqu me ravisiau. Aia nogoria niqu vagamauri; e reitutuguau me maurisiau tanigira na tinoni vanga tangopeke seko.

Linge 28:7

Na Taovia e reitutuguau me isutuguqu sailagi; minau au noru saikesalia. Maia e sangaau me naua mau gini totu tana magemage; minau au tsonikaea tana linge na magemage dou.

Linge 37:39

Na Taovia e maurisigira igira na tinoni ara totugoto i matana me reitutugudougira tana tagu na rota.

Linge 59:17

Igoe nogo na susuligaqu, me sauba kau lingena na tsonikaeamu. God nogo aia niqu mani toturavi, God nogo e sauvaniau nina galuve vo oli.

Linge 62:8

Igamu niqu tinoni kamu noru sailaginia moa God. Katevulagia vania aia pipi na omea sui e ngoligamu, rongona aia nogo nida mani totu raviravi.

Linge 62:9

Na tinoni sui lakalaka ara vaga saikesa moa ti na guguvina tetelo lê moa na magomago; igira sui tû tana lokina me tsau tana tetelona e tau lelê goto tugugira sa omea. Molokaegira tana omea na tovomamava, ma gaqira mamava e tau goto tugua sa omea; ara malamala lê liusia na malamalana kesa na guguvina tetelo na mamagona tinoni.

Linge 91:2

aia moa e tugua ke tsarivaganana vania, “Taovia igoe nogo o isutuguqu mo reitutuguau. Igoe niqu God; minau au norugo.”

Linge 142:6

Rongomivatavia niqu ngangaidato vanigo ko sangaau, rongona inau au seko pitsu nogo. Laumaurisiau tanigira gaqu gala; igira ara susuliga liusiau nogo inau.

Jeremia 14:8

Migoe segeni moa nimami amesi igami na tinoni ni Israel. Migoe segeni lelê moa tangomana ko maurisigami tania na omea seko loki. ?Me laka egua ti o vaga moa na tinoni labana tana veramami igami, me vaga moa na tinoni tavetada e mai me maturu bongi kesa moa?

Nahum 1:7

Na Taovia e doulaka. Aia e reitutugugira dou nina tinoni tana tagu na rota loki, me aragogira igira ara pilo bâ i konina aia.