Linge 46:1 - Ghari

¹ God aia nogo nida raravi ma na susuligada, e totu varangisigita me vangaraua na sangaada tana tagu na rota.

Linge 46:1 Referans Kwoze

Linge 145:18

Aia e totu varangisigira igira ara nongia, igira ara soa mananâ tana tobaqira popono.

Linge 9:9

Na Taovia aia niqira raravi igira ara bingi sekoligira, maia niqira nauna agana na tsogoravi kalina ti ke laba na tagu seko.

Goko Tabana 18:10

Na Taovia e vaga moa na kusudato susuliga, i tana tangomana kara ba totu raviravi igira e gotolaka niqira sasaga.

Linge 46:11

Aia na Taovia Susuliga Sosongo e totu i konida igita; nina God a Jakob aia nogo e ravisigita.

Linge 142:5

Taovia au ngangaidato vanigo ko sangaau; Taovia igoe nogo niqu reitutugu; igoe segeni moa au ngaoa kau tamanina tana mauri ni lao eni.

Na Vaolusi Ketsa 4:7

“E manana sosongo laka e tagara goto sa puku tavosi tana barangengo popono, atsa moa ti ke loki sosongo, ke tamanina sa nina god ke dona ke mai varavara kalina ara nongia ke sangagira, vaga na Taovia nida God e nauvanigita igita. Aia e rongomigita tana tagu sui moa igita a nongia ke sangagita.

Goko Tabana 14:26

Aia e kukuni tania na Taovia e totu kakai, maia kolugira sui nina tamadale ara totu raviravi dou.

Hibru 6:18

E utu sosongo vania God ke oli kaira na omea karani, na vatsa ma na veke, rongona e utu sosongo vania God ke pero. Me vaga ia, ma na goko vaga karani e tugua nomoa ke kakaisigita, igita a toturavi nogo i konina God. Ma ka gini norukakaia laka sauba God ke manalia na omea aia e vekenogoa vanigita.

Tuturigana 22:14

Ma Abraham e soaginia na nauna ia “Na Taovia e saumaia.” Me tsaumai i dani eni, migira na tinoni ara tsaria, “Tana nina vungavunga na Taovia aia e saumaia.”

Linge 46:7

Aia na Taovia Susuliga Sosongo e totu i konida igita. Nina God a Jakob aia nogo e ravisigita.

Linge 14:6

Na tinoni vanga nauseko ara tovoa laka kara utusia nina aqo na tinoni palatsuna, ma na Taovia aia segeni nogo e sogogana.

Luka 13:34

“!Jerusalem, Jerusalem! !Igira na tinoni i laomu igoe ara labumatesiigira na propete, mara taimatesigira nina mane adigoko God, aia e molomaigira vanigo! !Danga nogo kalina au ngaoa laka kau adisaigira nimu tinoni vaga moa na kudo kalina aia e sarosaigira na dalena tetelo i vavana na rapona, migoe o tau saikesa tamivaniau!

Linge 84:1

!Inau au padaloki sosongolia nimu Vale Tabu, igoe Taovia Susuliga Sosongo!

Linge 85:1

Taovia igoe o galuve sosongolia nimu kao; mo naua migami na Israel ami douvisutugua.

Linge 66:1

!Igamu sui na toga kamu gudato vania God tana magemage!

Linge 48:1

Na Taovia e loki me ulagana kara tsonikae sosongolia bâ i laona nina verabau nida God, tana nina vungavunga tabu.

Linge 87:1

Maia na Taovia e logoa nina verabau i kelana na vungavunga tabu;

Linge 42:1

Vaga moa na dia e kili sosongolia ke tsodoa kesa na ko vuravura bisibisi dou, aia saikesa nogo au vaga inau, au kili sosongolia goto kau tsodogo igoe niqu God.