Linge 45:5 - Ghari

⁵ Nimu pipili sui ara viri vavanga, mara rutua na kosuqira gamu gala. Migira na puku tavosi sui ara viri puka lê i tuamu.

Linge 45:5 Referans Kwoze

Linge 21:12

Sauba aia ke tû me ke vanasiginigira nina pipili, me ke naua ma kara pilo ma kara tsogoligi.

Linge 38:2

Igoe o bokaliginiau nimu pipili; mo surukeliginiau na limamu mau puka.

Tsoko Tinoni 24:8

Maia God nogo e adirutsumigira tania na vera ni Ejipt; ma na susuligaqira igira e vaga moa na susuligana na buluka atsi. Ara konomigira sui gaqira gala, mara qorua na suliqira, mara bokugira niqira pipili.

Linge 22:27

Igira na puku sui sauba kara padatugua na Taovia. Me pipi tana nauna sui tana barangengo sauba kara pilovisumai i konina aia; migira na mamatana sui na tinoni sauba kara samasama vania moa aia.

Aqoaqo 6:7

Me vaga ia, ma na gokona God e gini tavosa bamai, mara danga babaa na tinoni i Jerusalem ara lia tinoni tutuni. Mara danga goto na manetabu ara tutunina a Iesu.

Aqoaqo 4:4

Mara danga rago nomoa na tinoni ara rongomia ka niqira sasani mara gini tutunina; mara tsaulia nogo gana ngongo tsege na toga na tinoni.

Aqoaqo 7:54

Migira sui na tinoni loki ara totu tana ara rongomi vatavia kalina e goko a Stivin, me gini momosa na tobaqira, me galasigira, mara gati vatavia na livoqira i matana tana kore.

Aqoaqo 5:33

Kalina igira sui tana Saikolu ara rongomia na goko vaga ia, mara gini kore loki sosongo goto baa, mara ngaoa kara labumatesigira na apostolo.

Aqoaqo 5:14

Mara danga babaa goto na mane ma na daki ara tutunina na Taovia, mara sangasage me gini pabo babaa niqira saikolu na tinoni tutuni.

Aqoaqo 2:41

Mara danga vidaqira ara gini tutunina nina goko, mara lesovitabu. Mara gana ngongo tolu na toga na tinoni ara pabo i laoqira na tinoni tutuni tana dani ia.

Aqoaqo 2:37

Mi kalina igira na toga ara rongomia na goko vaga ia, mara gini padasavi loki sosongo. Mara tsarivania a Petero me vanigira goto na apostolo tavosi, “?Kulamami gamu, me vaga ia, ma nagua kami naua gami?”

Jeremia 23:6

Mi tana tagu popono aia ke taovia tsapakae, migira na tinoni sui tana Juda sauba kara totu raviravi dou, migira na Israel kara mauri tana rago. Miani nogo na soa sauba kara soaginia, ‘Na Taovia Aia na Pukuna Nida Sasaga Gotolaka’.