Linge 45:4 - Ghari

⁴ !Sage tana nimu ose mo ko bâ kolu susuligamu mo ko gini tangomana tana vailabu, rongona ko gini isutuguna me ke gini tukakai na pedegoto ma na pedemana! Na susuligamu nogo ke sangago me ke gini managamu na tuliusiaqira gamu gala.

Linge 45:4 Referans Kwoze

Linge 65:5

Igoe o rongomia nimami nonginongi mo sangagami te ami gini tangomana. God igoe nogo o maurisigami. Migira na toga pipi tana nauna sui polia na barangengo popono, me savu taligu tabana na tasi ao ara norugo sui moa igoe.

Na Katemai 19:11

Mi muri, mau reia e ova na baragata, mi tana e totu kesa na ose sere. Ma na soana aia e sage i gotuna e vaga iani: A Tukakai ma Mana Saviliu; rongona tana pedemana nogo aia e pedeginigira na tinoni me gini sage tana vailabu.

Na Katemai 6:2

Mau moro baa, mau reia e laba rutsumai kesa na ose sere. Maia na tinoni e sage i gotuna e tangolia kesa na parige, mara sauvania kesa gana kepi vaga ara moloa i lovaqira igira ara tangomana tana vailabu. Maia e aligiri na vano tugua tana vailabu rongona ke gini laugotoa ke visana na vera.

Mateo 11:29

Kamu tami na kalagaiana gaqu kalagai, ma kamu sasani i koniqu, rongona inau au tsalapo dou, mau voo na kaekae. Mi tana nogo ti igamu kamu tamaniginia na rago i laona na tobamui.

Sekaria 9:9

!Kamu magemage igamu na tinoni ni Sion! !Ma kamu gudato tana mage loki igamu na tinoni ni Jerusalem! !Kamu reia bâ nimui taovia tsapakae e maimai nogo! Aia e tangomana me mana nogo gana, me molotsunali segenina me sagekae i gotuna na asi vaolu.

Na Katemai 11:18

Eo, e gini momosa loki na tobaqira igira na tinoni vanga peapea, rongona e labamai nogo na tagu tana ke podamai na koremu, na tagu i tana igoe sauba ko pedegira na tinoni sui ara mate nogo. E labamai nogo na tagu i tana igoe ko saua na peluna vanigira nimu propete, me vanigira sui goto nimu tinoni ara samasama vanigo, tuu tana lokina me tsau tana tetelona. !Eo, e labamai nogo na tagu tana igoe ko tsogori pukaligira sui igira ara tsogori pukalia na barangengo!”

2 Tesalonika 3:1

Baa, mi tana susuina tu nimami leta vanigamu igamu na tasimami, ami tu ngasugamu kamu nonginongi kakai vanitugami, rongona ke gini tsaku na tavuresi ma na rarasa bamai nina goko na Taovia, ma kara gini rorongo na tinoni sui, ma kara padalokia vaga amu naua igamu.

1 Tesalonika 2:13

Eo, mi tugami ami tu soadoua God sailagi rongona kalina tugami ami tu gini turupatuna vanigamu na gokona God, migamu amu rongomia mamu tabedoua, tau vaga laka ti nina goko sa tinoni lee me vaga nogoria na gokona God aia e aqo i laomui igamu amu tutunina.

1 Tesalonika 1:5

I tugami ami tu katevulagi vanigamu na Turupatu Dou, tau tana goko lee moa mi tana susuligana na Tarunga Tabu, mami tu tutunina kakai saikesa laka e mana na omea sui tugami ami tu sasaniginigamu. Igamu amu dona nogo laka e koegua tu nimami mauri tugami kalina ami tu totu kolugamu i votangana. Ami tu aqo kakai rongona moa kami tu sangaginigamu dou igamu.

2 Korint 10:1

Inau a Paulo, inau nogoria kesa ara keli vaniau mara tsaria laka au molotsunali segeniqu sosongo kalina au totu kolugamu, mi kalina au totu ao tanigamu mau goko vavanga vanigamu.

Ioane 14:6

Ma Iesu e tsarivania a Toma, “Inau nogo na sautu, ma na manana, ma na mauri. Tau tangomana ke kesa ke balaba i konina na Tamaqu ti ke tau liu talu i koniqu inau.”

Ioane 1:17

I sau God e savulaginia vania a Moses nina Ketsa vanigira nina tinoni. Mi konina moa a Iesu Kristo igita a tsodovulagia nina galuve ma na manana.

Luka 19:27

!Mi kalina ia, kamu adimaigira ieni gaqu gala inau, igira ara tau reingaoa laka inau kau lia gaqira taovia tsapakae, mieni kamu labumatesigira i mataqu!’ ”

Linge 60:4

Igoe o parovatavigira nogo igira ara kukuni tanigo, rongona ke tau gadovigira niqira bao igira gaqira gala.

Linge 2:9

Me sauba ko tairutuginigira na itoro tapala; mo ko rutugira ma kara tarutu vaga saikesa nogo na popo vatu.’ ”

Na Katemai 20:15

Masei ti e tau totu na asana i laona na papi na mauri, maia e tsonitsunaa i laona na reku na lake.

Isaia 11:5

Eo, sauba aia ke tagaovigira nina tinoni tana pedegoto ma na manana laka.