Linge 45:11 - Ghari

¹¹ Mi tana ti na taovia tsapakae ke reingaoa na rereimu dou; aia nogo nimu taovia, ma nimu aqo igoe ko kukuni tania.

Linge 45:11 Referans Kwoze

Linge 95:6

!Mai, ma ka tsuporu ma ka samasama vania; ka tsunatuturu i matana na Taovia aia e aqosigita!

Isaia 54:5

Inau nogo au vusago, mau lia na savamu. Ma na Taovia Susuliga Sosongo, aia nogo na soaqu inau. Inau na God tabu ni Israel sauba kau laumaurisigo, inau nogo au tagaovi kaputia na barangengo popono.

Sepania 3:17

Na Taovia nimui God e totu i konimui; mi tana susuligana nogo aia igamu amu gini tangomana. Na Taovia sauba ke gini mage loki na reiamui, mi tana nina galuve loki sauba ke vaolusiginia na maurimui. Maia sauba ke linge me ke gini mage loki tana rongomui igamu, vaga nogo kalina igira na tinoni ara magemage tana dani tabu loki.”

Luka 24:52

Migira ara samasama vania, mara visutugua i Jerusalem, mara magemage loki,

Linge Na Galuve 1:8

?Igoe niqu udu o rerei dou sosongo liusigira na daki sui, laka o tau vati donaginia moa na nauna ia? Ko bâ mo ko muria na maleaqira na sipi, mo ko ba mologira nimu dalena naniqoti kara mutsamutsa i ligisaqira niqira valepolo igira na mane pitusipi.

Pilipi 3:8

Eo, me tau igira moa na omea vaga gira, me pipi sui na omea tavosi goto, ara tau saikesa tamani rongona vaniau kalina eni. E kesa lelee moa na omea e tamani rongona vaniau kalina ia, maia nogoria na donaginiana a Iesu Kristo niqu Taovia. Tana rongona nogo a Iesu, te inau au mololegira pipi na omea sui au norugira i sau. Tana niqu papada inau, na omea gira ara lia vaga nogo ti na kutso, rongona ti inau kau donaginia moa a Iesu Kristo,

Linge 45:6

Na veramu tana o taovia tsapakae, aia God nogo e tusua vanigo, sauba ke totu saviliu na dani ma na dani. Igoe o tagaoviginigira nimu tinoni tana gotolaka saikesa.

Roma 14:9

A Iesu Kristo e mate me maurivisutugua tania na mate, tana rongona nogo ke gini lia gaqira Taovia igira ara mauri moa, migira goto ara mate nogo.

Aqoaqo 10:36

Igamu dona nogo laka God e molomainogoa nina goko vanigira na tinoni ni Israel, ma na Turupatu Dou na rago e mai vanigira nogo ginia a Iesu Kristo, maia nogo gaqira Taovia igira pipi sui na vatana na tinoni i barangengo.

Ioane 20:28

Ma Toma e tsaria, “!Igoe niqu Taovia mo niqu God!”

Linge Na Galuve 6:4

Niqu udu igoe o rereidou sosongo vaga moa na verabau ni Tirsa, mo uluvao laka vaga moa na Jerusalem, mi kalina au morosigo igoe e datokesa na mamagoqu vaga moa ti kalina au morosia kesa na omea rereidou sosongo liuliu bâ.

Linge Na Galuve 4:7

!Na vanga rerei dou nomoa na rereimu igoe niqu udu; me tagara goto sa tuputupu bau tana kokoramu!

Linge Na Galuve 2:2

Vaga kesa na vulevule e dato i laoqira na itai kokonaga, aia saikesa nogo e vaga niqu udu inau i laoqira na daki sui.

Linge 2:12

Kamu gariri ma kamu tsuporu i matana; ke tau tavongani labadato tsaku na korena, me ke tavongani novotigamu lê na mate. Eo, kara mage igira sui ara dona na ba totu raviravi i konina aia.

Linge Na Galuve 2:14

Igoe o vaga saikesa na kulukulu e taopoi tana tagerena na maragova. Kiki, ko rutsu mai mo ko tamivaniau kau reia na ngoramu uluvao laka, ma kau rongomia nina tangi laka na liomu.