Linge 45:1 - Ghari

¹ Na tsaqina na goko laka ara labadato tana papadaqu, kalina inau au tê gana linge na taovia tsapakae. Na lapiqu e vaga saikesa moa ti nina peni na mani mamare kesa na tinoni e dona sosongo na mamare.

Linge 45:1 Referans Kwoze

Linge 49:3

E maka sosongo na omea inau au padâ i tobaqu na tsariana. Sauba kau gini goko na tsaqina na goko sasaga.

Nina Papi A Job 33:3

Pipi niqu tsaqina goko ara talu tana tobalaka, mara mana saikesa.

2 Samuel 23:2

Nina Tarunga Tabu na Taovia e goko tana mangaqu inau; ma nina goko e totu nogo tana tutubena na mangaqu.

Goko Tabana 16:23

Igira na tinoni sasaga ara papada talu ti ara goko; migira na tinoni ara gini rongomingaoa na omea ara tsaria.

2 Petero 1:21

Matena e utu saikesa vania sa tinoni lee ke tavongani botsangia sa tsaqina goko na katemai. Igira segeni moa na Tarunga Tabu e mararasigira ara tangomana kara katemai vanigira na tinoni na goko e talumai i konina God.

Isaia 5:1

Kamu rorongo kalina inau kau lingena vanigamu gana linge na kulaqu ma nina uta na uaeni: Na kulaqu e tamanina kesa nina uta na uaeni tana kao lakataga dou i kelana na vungavunga.

Linge 69:1

!Niqu God ko savokaeau! Na mao e vosadato mai nogo i lioqu.

Nina Papi A Job 34:4

Igita nogo nida aqo kalina ia ka vilekedoua na goko sui igita a rongomia, ma ka pedea nagua e mana se e tau mana.

Epesus 5:32

Na tsaqina goko tana Mamare Tabu iani e tamanina na rongona mamava. Minau au pada laka e kale saikesalia a Iesu Kristo ma na saikolu na tinoni tutuni.

Mateo 27:37

Me kesa na pava ara pogaa i gotu gana ngongo dato tana lovana, ara marea i konina na goko vaga iani: “Iani a Iesu, niqira Taovia Tsapakae na Tsiu.”

Linge Na Galuve 1:12

Niqu taovia tsapakae e tsaro i nigena, me siginia na vuruna niqu sede.

Linge 2:6

Me tsarivaganana vanigira, “Inau segeniqu nogo au turuvaginia aia au vilia ke lia na taovia tsapakae, mi Sion nogo tana niqu vungavunga tabu au molovania ke totu.”

Esra 7:6

Aia Esra e kesa na mane e sasani loki me sasaga sosongo tana rongona na Ketsa aia na Taovia na God ni Israel e saunogoa vania a Moses. Maia na taovia tsapakae e sauvania a Esra pipi na omea sui aia e nongia i konina, rongona na Taovia nina God e totu i konina. Mi tana vitunina ngalitupa nina aqotagao a Artaserkses, ma Esra e mololea i Babilonia me vano i Jerusalem, kolua kesa na alaala popono na Israel, kolugira goto na manetabu, ma na Levite, ma na mane ara taia na itai tatangi i laona na Vale Tabu, ma na mane matali valetabu ma na maneaqo.

Mateo 25:34

Mi muri kau tsarivanigira igira ara totu tana madoaqu, ‘!Kamu mai igamu, aia na Tamaqu e reingaogamu! Kamu mai, ma kamu tamanina na verana aia God e vangarau manogatinogoa vanigamu, e tuu mai nogo kalina e botsa na barangengo.

Mateo 12:35

Na tinoni dou e dou nina goko, rongona e pukugamai tana papada dou e totu nogo i tobana. Ma na tinoni seko e seko goto nina goko, rongona e pukugamai tana seko e totu nogo i tobana.

Linge 80:1

Taovia, igoe niqira Reitutugusipi igira na Israel, ko rongomigami; igoe o matalidougira nimu sipi, ko rongomigami. Igoe o totu tana sasamu na totukae i kelana na rapoqira na angelo,

Linge 42:1

Vaga moa na dia e kili sosongolia ke tsodoa kesa na ko vuravura bisibisi dou, aia saikesa nogo au vaga inau, au kili sosongolia goto kau tsodogo igoe niqu God.