Linge 44:7 - Ghari

⁷ migoe saikesa nogo o maurisigami tanigira gamami gala, mo tuliusigira igira ara reisavigami.

Linge 44:7 Referans Kwoze

Linge 140:7

Taovia niqu God, igoe nogo o susuliga na sogogaqu, mi tana tagu na vailabu igoe nogo o dilaau.

Linge 136:24

Maia e laumaurisigita tania na limaqira gada gala; rongona nina galuve e totu saviliu.

Linge 132:18

Inau sauba kau paluvangamaqira popono igira gana gala, ma kau naua ma gana susuliga ke pabo babâ me ke totu kakai saviliu.”

Josua 1:5

Migoe a Josua, inau au vekevanigo laka tana maurimu popono e tagara lelê goto ke kesa ke tangomana na tuliusiamu igoe tana vailabu. Minau sauba kau totu kolugo igoe vaga nogo au totu kolua a Moses. Eo, sauba kau totu kolugo sailagi; me utu goto kau tsonilego sa dani.

Linge 144:10

Igoe o sangagira na taovia tsapakae sui mara gini tangomana tana vailabu, mo laumaurisia a David nimu maneaqo.

Linge 53:5

Me sauba igira kara viri matagu loki, na matagu vaga e tau vati gadovigira moa kesa dani, rongona God sauba ke sarangasia na suliqira igira gaqira gala nina tinoni segeni. God e sove tanigira saikesa nogo igira, maia nogoria te e gini managaqira na Israel na tuliusiaqira.

Linge 40:14

Ko utusigira igira ara tovoa laka kara labumatesiau inau mo ko naua me ke ponopala lê na tobaqira. Ko naua migira sui ara gini mage rongona inau au totu moa tana rota kara sugavisu me ke paluvangamaqira lê.

2 Samuel 7:10

Mau vilinogoa na nauna i tana kara totu igira niqu tinoni ni Israel, me sauba kara totu kalavata i tana me ke tau goto tangomana ke kesa ke bingi sekoligira, me utu goto kara maiginigira igira na tinoni vanga tangopeke seko vaga ara naua i sau. Inau au vekevanigo laka sauba kau tuliusigira sui gamu gala ma kau sauvanigo kara danga na kukuamu.

1 Samuel 17:47

migira sui ara totu ieni sauba kara reia laka na Taovia e tau kilia na isi se na bao ke maurisiginigira nina tinoni. Rongona na vailabu iani nina nogo na Taovia, maia sauba ke mologamu sui lakalaka tana limamami igami.”

Tinoni Pede 2:18

Me pipi kalina ti vaga na Taovia ke sauvanigira na tinoni ni Israel kesa gaqira ida, mi tana tagu popono kalina aia e mamauri moa, maia na Taovia e sangâ me gini tangomana na laumaurisiaqira nina tinoni tania na limaqira gaqira gala. Na Taovia e galuvegira tugua rongona igira ara kukungu tana rota e bingi sekoligira.

Josua 11:6

Ma na Taovia e goko vania a Josua me tsaria, “Ko laka na mataguniaqira igira. Tana tagu vaga nogo iani ke dani, minau sauba kau matesigira sui lakalaka gamui gala i matamui igamu na Israel. Ma nimu aqo igoe ko logusia na tuaqira niqira ose mo ko tungigira sui niqira terê.”

Josua 10:42

Me kesa moa kalina a Josua e labugira sui popono na taovia tsapakae girani me laua niqira butona na kao, rongona na Taovia na God ni Israel e sangagira na Israel tana vailabu.

Hosea 1:7

Migira moa na tinoni tana Juda sauba kau galuvegira. Inau nogo na Taovia niqira God, me sauba nomoa kau maurisigira. Me ke tau goto kilia kau maurisigira tana vailabu kolua na isi, na parige, ma na pipili, se kau mologira na mane vaumate ara sage tana ose kara ba sangagira.”