Linge 44:3 - Ghari

³ Igira ara tau sugutia na vera ia tana gini vailabu niqira isi; me tau gini managaqira tana susuligaqira segeni moa igira. Tagara. Igoe nogo o galuve sosongoligira, mo mararasigira, mo totu kolugira, mo sangaginigira nimu mana ma na susuligamu segeni nogo te e gini managaqira.

Linge 44:3 Referans Kwoze

Josua 24:12

Mi matamui nogo igamu inau au naua mara gini tsogo saranga sui gamui gala, minau nogo au tsialigikaira niqira taovia tsapakae na Amor, me tau nimui isi ma nimui parige igamu.

2 Korint 4:7

God nogo e moloaqona vanigami igami na tinoni maluku lee na gini turupatuna na Turupatu Dou agana moa na mani sauvulagiana laka God segeni moa e susuliga tsapakae, me tau igami.

Sekaria 4:6

(-)

Linge 77:15

Tana susuligamu loki nogo igoe o laumaurisigira nimu tinoni, igira nogo ka kukuaqira kaira a Jakob ma Josep.

Linge 20:6

Mi kalina eni au donaginia laka na Taovia nogo e tusua na tangomana vania nina taovia tsapakae aia segeni e vilinogoa; me rongomia nina nonginongi tû i gotu tana nina baragata tabu, mi tana susuligana nogo ia, ti aia e tusuvania na tangomana loki sosongo.

Na Vaolusi Ketsa 10:15

Ma nina galuve na Taovia vanigira na mumuamui e loki sosongo, me gini viligamu igamu, me tau viligira sa puku tavosi. Eo, me tsaumai i dani eni, igamu amu nina tinoni vivili moa aia.

Binaboli 15:16

Ma na matagu loki sosongo e tsavu poponogira. Ara reilakana na susuligamu igoe Taovia, mara totu babangataga tana matagu poi tsau igira nimu toga ara liu putsi, igira nogo na tinoni igoe o maurisigira tania na totu tseka.

Linge 42:11

?Megua vaga inau ti au melu sosongo vaga ia? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 42:5

?Megua vaga inau ti au melu sosongo vaga ia kalina? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

1 Samuel 12:22

Na Taovia e gini vatsa me vekenogoa laka e utu goto ke piloligi tanigamu, rongona tana nina padangao segeni nogo ia te aia e viligamu mamu lia nina tinoni segeni.

Linge 74:11

?Megua igoe ti o sove na sangaamami igami? ?Rongona gua ti o bunivisua na limamu?

Linge 17:7

Ko saulabatia vanigami nimu galuve loki mo ko maurisigami. I ligisamu nogo igoe ami totu raviravi dou tanigira gamami gala.

Linge 4:6

Ara danga sosongo rago ara nonginongi vaga iani: “!Taovia ko tusumaia vanigami ke danga bâ na vangalaka. Mi tana nimu galuve ko moromai i konimami!”

Tsoko Tinoni 14:8

Me ti vaga na Taovia ke tobadou vanigita, me sauba nomoa aia ke adivanogita i tana, me ke sauvanigita na kao mauri me lakataga dou sosongo.

Isaia 63:12

?Me laka iava aia na Taovia e gini aqo na susuligana na nauginiaqira na omea loki tana limana a Moses, me vota rukâ na tasi, me ida vanigira nina tinoni mara liusavu mamatsa tana maorodo, gana ke gini tangi sailagi ganarongo?”

Linge 80:16

!Igira gamami gala ara kavi pukalia mara soqoi lakena, ko tû igoe mo ko kore vanigira mo ko matesigira!

Josua 3:10

Me tsarigotoa vanigira, “Mi kalina igamu kamu babâ moa i sautu, mi tana ti sauba kamu reia na Taovia ke tsialigigira lê i matamui igamu igira na tinoni ni Kanaan, migira goto na Het, ma na Hivi, ma na Peres, ma na Girgas, ma na Amor, ma na Jebus. Mi kalina ti kamu reitugira na manetabu kara tu kalagai savu idâ tana Kô Jordan nina Bokisi na Taso na Taovia, aia e taovia kaputia na barangengo popono, mi tana ti igamu sauba kamu donaginia laka aia na God mamauri e totu manana kolugamu me idagana sautu vanigamu.

2 Samuel 7:23

Me tagara goto ke kesa na puku tavosi i lao eni ke atsa kolua na Israel, aia nogo igoe o laumaurisia tania na totu tseka mo naua migira ara lia nimu tinoni segeni nogo igoe. Me gini tangiloki gamu rongo tana barangengo popono rongona na omea loki ma na omea ganataga sui igoe o naunogoa vanigira. Igoe o laumaurisigira nimu tinoni tania i Ejipt, mo tsialigigira na puku tavosi sui ma niqira god peropero, kalina igira nimu tinoni ara maimai moa i sautu.

2 Turupatu Dato 20:7

Igoe nogo nimami God. I sau kalina igira nimu tinoni ni Israel ara maimai moa i sautu, migoe o tsialigigira na tinoni ara totuvi idanogoa ieni, mo saua na kao iani vanigira na kukuana a Abraham na kulamu igoe ke lia niqira tamani sailagi.

Linge 78:55

Maia e tsialigigira na tamanina nogo i tana, kalina igira nina tinoni ara maimai moa i sautu, me tuvarivotâ niqira kao i laoqira na puku ni Israel, me saua na valeqira kara tamanina igira nina tinoni nogo ia.

Linge 80:9

Igoe o arago maledoua kesa na nauna i tana ke dato dou; ma na lamuna e tatango tsuna ao tana kao, me liuvia na kao popono.

Linge 111:6

Aia e sauvulaginogoa na susuligana vanigira nina toga, kalina e tusuvanigira niqira kao igira na tinoni ni veratavosi.