Linge 43:4 - Ghari

⁴ Mi tana ti sauba inau kau ba tû i matana nimu belatabu igoe niqu God, igoe nogo na pukuna niqu magemage. Me sauba kau taia niqu itai tatangi ma kau lingena na tsonikaeamu, igoe God mo niqu God.

Linge 43:4 Referans Kwoze

Isaia 61:10

Eo, na vera ni Jerusalem e gini magemage me tsonikaea na Taovia tana rongona na omea loki aia e naua vania. Aia e poroginia na polo na mauri saliu, me tsavuginia na polo na sasaga gotolaka, vaga nogo na mane tauga vaolu e sagelia gana inilau, ma na daki tauga vaolu e kulikuli me katsele, me sagelia gana liolio.

Linge 57:8

!Mamata igoe na tidaoqu! !Mamata goto kagamu niqu itai tatangi ma niqu tuqulu! Minau sauba kau galisigotoa na aso.

Linge 33:2

Taia nimui tuqulu ma kamu soadoua na Taovia. Linge vania tana itai tatangi.

Linge 81:2

Tuturiga na uviriga ma ka rekesi tsetsê, ka taidougira nida itai tatangi ma nida tuqulu.

Linge 42:6

Iani tana vera i tana au totu tsinogo kalina ia e melu loki sosongo na tobaqu, ma niqu papada e pilovisutugua i konina niqu God. Aia nogo e molovanigira na panu loki na rota kara karara tsavua na tidaoqu, ma na qulututuna ke kuviau, vaga kalina na tatarina na sasavu e talu i kelana na Vungavunga Hermon ma na Vungavunga Misar, me tuavata tsuna bâ tana Kô Jordan.

Linge 26:6

Taovia, inau au vulia na limaqu kau gini sauvulagia laka inau au tinoni dou mau tau sasi, mau sanga na samasama poliana nimu belatabu.

2 Samuel 6:5

Ma David migira sui na Israel ara totu kolua ara gagavai mara lilinge tana susuligaqira popono gana na tsonikaeana na Taovia. Mara taigira niqira itai tatangi, ma niqira tuqulu, ma niqira kuku, mara rekesia niqira tsetsê.

Roma 5:11

Eo, igita a gini magemage i laona nida mauri vaolu i konina God, na mauri e gini tsonimatena vanigita a Iesu Kristo nida Taovia te igita a gini dou i matana God.

Na Katemai 5:8

Mi kalina aia e nauvaganana ia, mi tugira tu vati na omea mamauri, migira goto na rukapatu vati na tuqa tabu, ara puka kovoragi i matana na Dalena Sipi. Pipi kesa gira tatasa ara tangolia niqira tuqulu, kolu bilo qolu e danga na buluna na gai uruuru i laona, aia nogo na papadana niqira nonginongi igira nina tinoni God.

Linge 57:9

Sauba kau soadougo igoe Taovia i laoqira na puku tavosi sui. Sauba kau tsonikaego i laoqira na tinoni toga.

Linge 63:2

Ko tamivaniau ma kau ba reigo tana nimu Vale Tabu, ko tamivaniau ma kau reilakana na susuligamu ma na mararamu.

Sekaria 13:9

Minau sauba kau tovolea na tolunina turina ara kauvisu, ma kau malesigira vaga na lake e malesia na siliva ma na qolumila. Mi tana migira sauba kara nonginongi vaniau, minau sauba kau rongomia niqira nonginongi. Ma kau tsarivanigira, ‘Igamu niqu tinoni nogo inau,’ migira sauba kara tsaria, ‘Taovia, igoe moa nimami God igami.’ ”