Linge 43:1 - Ghari

¹ !Niqu God kiki, ko sauvulagia laka inau au tau sasi, mo ko isutuguqu tania na limaqira igira ara peago igoe, ko maurisiau tanigira na tinoni vanga pero migira na tinoni seko!

Linge 43:1 Referans Kwoze

Linge 35:1

!Taovia, ko tukapusigira igira ara tukapusiau, mo ko vailabu kolugira igira ara vailabu koluau inau!

Linge 26:1

Taovia ko saulabatia laka inau au tau sasi, rongona au naua moa na omea e goto i matamu, mau noru kalavatavigo igoe.

Linge 7:8

Igoe nogo na taoviana na pedegoto vanigira na mamatana na tinoni. Igoe Taovia ko sangaau me ke gini managaqu, rongona igoe o donagininogoa laka inau au tau tsukia sa sasi.

Linge 35:24

Taovia igoe o gotolaka saikesa, me vaga ia mo ko sauvulagia laka inau na tinoni dou mau tau sasi; mo ko laka na tamivaniaqira gaqu gala kara gini mage matena ara tuliusiau.

1 Samuel 24:15

Na Taovia nogo sauba ke pede, me ke votavanikaita asei ka vidada nomoa e sasi. Maia ke vilekea na omea iani, me ke isutuguqu inau, me ke maurisiau tania na limamu igoe.”

Linge 71:4

Niqu God ko laumaurisiau tania na limaqira na tinoni vanga tsutsukibo, mi tania na susuligaqira na tinoni sasi migira na vanga sekoli tinoni.

Linge 5:6

Igoe o tsogori pukaligira sui na tinoni vanga peropero, mo pea sosongoligira igira na lapiruka, migira na vanga tangopeke seko.

Mika 7:9

Igita a sasi manana i matana na Taovia, mi kalina ia ma nida aqo ka berengiti na vatsangiana na korena kesa tagu tetelo. Mi tana susuina maia nogo sauba ke isutuguda, me ke kedegira igira ara bingi sekoligita. Maia sauba ke adirutsumigita vania na marara; me sauba ka mamauri moa ma ka reia kalina aia ke laumaurisigita.

1 Petero 2:23

Kalina igira ara tsonivania na goko peapea, maia e tau tuguvisuginia na goko peapea. Mi kalina ara rotasia, maia e tau isutuguna segeni. Me norukakaia moa God, aia moa e goto saviliu nina pede.

1 Korint 4:4

Au maka saikesa i laona na tobaqu, maia e tau nomoa tusuvulagiau laka ti inau au tinoni dou saikesa, mau tau tinoni sasi. Aia moa na Taovia nina aqo ke pedeau.

Goko Tabana 23:11

Na Taovia nogo niqira isutugu susuliga, me sauba ke goko tuguqira tana tinete.

Goko Tabana 22:23

Na Taovia segeni nogo sauba ke goko tuguqira igira, me ti vaga ke kesa ke sekoligira maia sauba ke sekoligotoa aia.

Linge 75:7

maia nogo God nina aqo na pede, maia sauba ke kedegira visana, me ke nusigira visana.

2 Samuel 16:20

Mi muri, ma Absalom e pilobâ i konina a Ahitopel me tsarivania, “?Mi kalina ia, igita a laba sui nogo ieni, ma nagua o padâ igoe e dou ka naua?”

2 Samuel 15:31

Mi kalina a David e rongomia laka a Ahitopel goto e sanga tabana i konina a Absalom maia David e nonginongi me tsaria, “!Kiki Taovia, ko piloa nina goko parovata a Ahitopel me ke lia na goko bubulega!”

2 Samuel 18:8

Ma na vailabugi aia e vairasavigi bamai i laona na butona popono na momoru, mara danga bâ ara mate i laona na legai atsi liusigira bâ igira ara mate tana vailabu.

Linge 7:7

Me vaga ia, mo ko adisaigira pipi sui lakalaka na toga ma kara totu poligo, migoe ko tagaovi kaputigira popono tû tana sasamu i gotu vasau.

Linge 7:9

Igoe nogo God o gotolaka, mo pede gotosia pipi na papada ma na kili ara totu popoi i laona na tobamami. Ko utusia niqira sasaga tabaru igira na tinoni sasi, mo ko saupeluna vanigira na tinoni e goto na tobaqira.

Linge 54:3

Igira na mane kaekae ara maiginiau; migira na vanga sekoli tinoni ara tovoa laka kara labumatesiau, mara tau goto dona kara boeginia God.

Linge 140:5

Igira na tinoni kaekae ara vangaraunogoa vaniau gaqu taviti; ara molo kapusia niqira pidipidi tana kau liu bâ, mara matalogoa niqira taviti gana kau sogo i laona.