Linge 42:9 - Ghari

⁹ Au tû, mau tsarivania God aia e reitutuguau, “?Matena gua te o padaleau igoe? ?Egua vaga ti niqu aqo moa inau kau tsodorota babâ vaga ia tana niqira tobaseko ara naua vaniau igira gaqu gala?”

Linge 42:9 Referans Kwoze

Linge 38:6

Au gogovagi tsuna i lao, mau taquruquru; mau gini totu moa na ngangai na dani popono.

Linge 43:2

Igoe nogo o reitutuguau. ?Megua vaga ti o mololeau kalina ia? ?Megua vaga ti niqu aqo inau kau tsodorota babâ moa vaga ia, tana niqira tobaseko ara nauvaniau igira gaqu gala?

Linge 18:2

Na Taovia aia nogo niqu reitutugu, aia nogo niqu baravatu kakai. Niqu God aia nogo e reitutuguau, mi konina nogo aia inau au totu raviravi dou. Aia e dilaau vaga moa na tako, maia nogo e isutuguqu me ravisiau.

Isaia 40:27

?Igamu na Israel, rongona gua ti amu gini goko korekore vania na Taovia, mamu tsaria laka na Taovia e tau donaginigira nimui rota, me tau goto gini boe ti ara tau tusuvanigamu na pedegoto?

Linge 62:2

Aia segeni moa e reitutuguau me maurisiau; maia moa nogo e isutuguqu, me utu goto kara tulisiau igira.

Linge 28:1

Taovia igoe nogo niqu reitutugu, minau au ngangaidato vanigo. !Ko rongomia niqu nonginongi! Ti vaga igoe ko tau goto tugumaia niqu nonginongi, minau sauba kau lia vaga moa igira ara ba tsuna tana barangengo na mate.

Isaia 49:15

Me tû na Taovia me goko vanigira me tsaria, “?Laka tangomana kesa daki ke dona na padaleana na dalena boruboru, me ke tau galuvea na baka aia e vasua? Me atsa moa ti aia ke padalea na dalena tetelo, minau e utu saikesa kau padalegamu igamu.

Sasani Sasaga 4:1

Mi muri, minau au morosigira tugua pipi sui na omea tau goto ara tau kuti na laba i laona na barangengo. Au reigira na tinoni seko ara tsogori tsunaligira na kulaqira, migira ara ngangai savosavo, me tagara ke kesa ke sangagira. Eo, e tagara kesa ke malagai na tû me ke sangagira, rongona igira ara bingi sekoligira ara tamanina na susuliga tana niqira tabana.

Linge 88:9

ma na mataqu ara pasa lê nogo tana rongona na rota loki e gadoviau. Pipi na dani au soago Taovia mau abedato vanigo na limaqu tana nonginongi.

Linge 78:35

Mara padavisutugua laka tana idana aia nogo God niqira reitutugu, maia na God Susuliga Sosongo aia nogo niqira vagamauri.

Linge 77:9

?Me laka God e padalenogoa na saugaluve vaniada? ?Me laka nina kore e oligininogoa na aqona nina galuve?”

Linge 55:3

Mau gini matagu mate niqira goko rarara igira gaqu gala, ma niqira galaleleo igira na tinoni vanga tsutsukibo. Ara tsukivaniau me gadoviau danga na rota; mara kore sailagi vaniau moa mara reisaviau.

Linge 13:1

?Laka sauba ke oka koegua sagata ko padaleau igoe Taovia? ?Egua, laka ko padaleau saviliu? ?Me ke oka koegua sagata goto ko taopoi taniau?

Linge 92:3

tana tatangina na itai tatangi ma na leleuna na tuqulu.