Linge 42:5 - Ghari

⁵ ?Megua vaga inau ti au melu sosongo vaga ia kalina? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

Linge 42:5 Referans Kwoze

Linge 37:7

Kamu totu dodo i matana na Taovia, ma kamu pipitu tsau kalina aia ke sangagamu; laka na gini boe tana rongoqira igira ara tamani omea danga, se igira ara tangomana na nauana pipi kalina na omea seko ara botsangi segenia i tobaqira.

Linge 61:2

!Au totu ao tania na veraqu, me ponopala sosongo na tobaqu, mau soago igoe ko sangaau! Ko adiau bâ kesa tana nauna i tana kau totu raviravi dou,

Mateo 1:23

“E kesa na siama sauba aia ke tiana, me ke vasua kesa na dalena mane, me ke soaginia a Emanuel.” Ma na rongona na soa ia, ‘God e totu i konida’.

Linge 56:3

Mi kalina inau au matagu, minau au vataraginia niqu vainoru i konimu igoe Taovia Susuliga Sosongo.

Linge 43:5

?Megua vaga inau te au melu sosongo vaga ia? ?Megua ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua, aia niqu vagamauri ma niqu God.

Linge 42:11

?Megua vaga inau ti au melu sosongo vaga ia? ?Megua vaga ti e ponopala sosongo na tobaqu? Sauba kau noru saikesalia moa niqu God, ma kau tsonikaetugua aia niqu vagamauri ma niqu God.

1 Samuel 30:6

Maia David e totu tana rota loki sosongo, rongona igira sui nina mane e seko sosongo na tobaqira mara ngaoa laka kara taiginia na vatu. Ara gini kore rongona ara nanga nogo na daleqira. Ma na Taovia nina God e sauvania a David na susuliga, me gini malagai tugua.

Tsoko Tinoni 6:26

Na Taovia ke galuvegamu, me ke tusuvanigamu nina rago.

Nina Papi A Job 13:15

Me atsa moa ti vaga God ke labumatesiau, mi konina aia segeni lelê moa au dona kau vataragi, Maia nogoria na rongona ti niqu aqo kau isutuguqu segeni i matana aia.

Linge 71:14

I konimu segeni moa igoe, inau sauba kau vataraginia niqu amesi; sauba kau tsonikaego babâ moa igoe.

Linge 56:11

I konina nogo ia inau au tsotsovata, me sauba e utu kau matagu. ?Me vaga ia, ma na seko gua tangomana kesa na tinoni lê moa ke nauvaniau inau?

Isaia 50:10

Igamu sui amu kukuni tania na Taovia, mamu muridougira na goko aia nina maneaqo e tsarivanigamu, kamu laka na matagu. E tau utu na sautu amu liu bâ i konina kalina ia ke rodo manana, migamu kamu norukakaia moa na Taovia, ma kamu vataragi i konina nimui God.

Linge 77:3

Mi kalina inau au padâ God, mau ngangai i laona na tobaqu; mi kalina au totu mui mau papada, me ponopala lê na tobaqu.

Linge 44:3

Igira ara tau sugutia na vera ia tana gini vailabu niqira isi; me tau gini managaqira tana susuligaqira segeni moa igira. Tagara. Igoe nogo o galuve sosongoligira, mo mararasigira, mo totu kolugira, mo sangaginigira nimu mana ma na susuligamu segeni nogo te e gini managaqira.

Mateo 28:20

Ma kamu sasaniginigira na muriana pipi na omea au ketsaliginigamu. Eo, minau sauba kau totu sailagi i konimui, poi ke sui na barangengo.”

Linge 35:14

vaga moa kalina au nonginongi vania kesa na kulaqu se kesa na tasiqu. Au liubamai kiki moa tana melu vaga moa kalina kesa e roku rongona e mate na tinana.

Mateo 26:38

Te aia e tsaria vanitugira, “E melu sosongo na tobaqu inau, me varangi kau gini mate. Tugamu kamu tu totu ieni, ma kamu tu mamata koluau.”

Linge 38:6

Au gogovagi tsuna i lao, mau taquruquru; mau gini totu moa na ngangai na dani popono.

Isaia 30:29

Migamu moa nina tinoni God, sauba kamu magemage, ma kamu lilinge vaga moa amu naua tana bongi tabu. Me sauba kamu mage vaga moa kalina na tinoni ara dulikolugira igira ara puâ na uete na vano tana nina Vale Tabu na Taovia, aia gaqira isutugu na Israel.