Linge 42:2 - Ghari

² Au marou tana rongomu igoe na God na mauri. ?Sauba kengisa nomoa ti kau bâ ma kau reilakana na matamu?

Linge 42:2 Referans Kwoze

Linge 63:1

God igoe nogoria niqu God, minau e silovi sosongoliau na reiamu igoe. Na koniqu popono e amesigo moa igoe; ma na tidaoqu e gini marou tana rongomu, vaga saikesa moa ti na kao mamatsa lê, me tagara sa kô ke malobusia, na tidaoqu e gini marou tana rongomu igoe.

Linge 84:10

Kesa lelê moa na dani na totu i laona nimu Vale Tabu igoe e dou liusia bâ kesa na toga na dani na totu kesa tana nauna segeni; kau reingaoa bâ na totu moa i matsapana na valena niqu God, liusia bâ na totu i laona na valeqira na tinoni vanga tsutsukibo.

Linge 27:4

E kesa moa na omea au nongia i konina na Taovia; e kesa lelê moa na omea au kilia: aia nogoria laka kau totu saviliu moa tana na valena na Taovia tana mauriqu popono. Mi tana kau reia na douna na Taovia, ma kau nongia ke sauvulagia vaniau na sautu i tana kau liu.

Na Katemai 22:1

Maia na angelo e tusuvulagi vaniau goto na ko loki, aia na koo na mauri e totora vaga kalina na lalaina na aso e gado tana koo se tana tasi. E vuradato tana ka niqira sasana na totukae kaira God ma na Dalena Sipi,

Ioane 7:37

Mi tana susuina na dani, aia na dani loki baa tana Dani Tabu ia, e tuu a Iesu, me gokodato, “Ti asei ke marou, ke mai i koniqu me ke inu.

Linge 84:2

!Mau kili sosongolia kau ba totu i tana! E siloviau sosongo laka kau ba totu i laona nina Vale Tabu na Taovia. Tana tobaqu popono inau au linge tana magemage vania aia na God mamauri.

Linge 84:4

Ara mage sosongo nomoa igira ara mauri i laona nimu Vale Tabu, mara lingena sailagi na tsonikaeamu igoe.

Linge 43:4

Mi tana ti sauba inau kau ba tû i matana nimu belatabu igoe niqu God, igoe nogo na pukuna niqu magemage. Me sauba kau taia niqu itai tatangi ma kau lingena na tsonikaeamu, igoe God mo niqu God.

Nina Papi A Job 23:3

!Ke dou sosongo nomoa ti vaga kau donaginia iava tana kau ba tsodoa, ma kau ba tû i matana!

Jeremia 2:13

rongona igira niqu tinoni ara aqosia ruka vatana na sasi loki: ara piloligi taniau inau, inau na vuravura na ko maroga, mara ba tsaigira visana tuvu tapatapa e utu goto ke kau sa kô i laoqira.” Ma na Taovia e tsarigotoa,

1 Tesalonika 1:9

Igira sui na tinoni ara goko mara tsaria laka kalina tugami ami tu tsigovigamu, migamu amu gini mage mamu soalakagami dou. Mamu piloligi tanigira nimui god peropero, mamu pilo baa i konina na God mana, aia segeni na pukuna na mauri, rongona kamu aqo vania.

Ioane 5:26

Vaga nogo aia na Tamaqu aia segeni na pukuna na mauri, me moloa vaniau inau na Dalena kau pukuna goto na mauri inau.

Linge 84:7

Migira ara susuliga babâ moa kalina ara vanovano i sautu; mi kalina kara ba tsau i Sion mi tana ti sauba kara reia God, aia e God loki liusigira na god sui.

Binaboli 23:17

Me pipi ngalitupa tana taguna tugira tolu na bongi tabu tugirani igamu sui pipi na mane nimui aqo kamu mai na samasama vaniaqu inau na Taovia nimui GOD.

Daniel 6:26

Inau au ketsaligamu igamu sui amu totu i laona na veraqu popono, laka nimui aqo kamu matagunia ma kamu kukuni tania nina God a Daniel. “Aia segeni moa na God mamauri, me sauba ke tagao saviliu na dani ma na dani. Ma na verana aia e utu saikesa kara toroutsania, ma na susuligana e utu goto ke sui.

Jeremia 10:10

Migoe segeni moa Taovia o God mana, migoe na God mamauri, mo taovia tsapakae na dani ma na dani. Mi kalina ti ke momosa tobamu igoe, ma na barangengo popono ke gariri tana matagu; migira na puku sui ara tau tangomana kara baria nimu momosa toba loki.

Josua 3:10

Me tsarigotoa vanigira, “Mi kalina igamu kamu babâ moa i sautu, mi tana ti sauba kamu reia na Taovia ke tsialigigira lê i matamui igamu igira na tinoni ni Kanaan, migira goto na Het, ma na Hivi, ma na Peres, ma na Girgas, ma na Amor, ma na Jebus. Mi kalina ti kamu reitugira na manetabu kara tu kalagai savu idâ tana Kô Jordan nina Bokisi na Taso na Taovia, aia e taovia kaputia na barangengo popono, mi tana ti igamu sauba kamu donaginia laka aia na God mamauri e totu manana kolugamu me idagana sautu vanigamu.

Linge 63:3

Na galuvemu vo oli e dou liusia bâ na mauri, maia nogoria ti inau sauba kau gini tsonikaego sailagi.

Isaia 26:8

Igami ami muria nimu kili, mami vataraginia nimami amesi i konimu; eo, igoe segeni moa igami ami kili sailaginigo.