Linge 40:5 - Ghari

⁵ !Igoe nogo o Taovia mo nimami God mo naugira vanigami danga na omea; me tagara goto ke kesa ke atsa kolugo igoe! Igoe nogo o naumanogati vanigami danga na omea dou sosongo. !Me utugana saikesa vaniau kau tsaritutugugira sui, rongona igira ara danga seko sosongo!

Linge 40:5 Referans Kwoze

Jeremia 29:11

Inau segeniqu moa au donaginia na omea au vangarau manogatinogoa kau naua vanigamu agana ke gini dou na maurimui, me tau gana ke gini seko, ma kau manali vanigamu na omea sui igamu amu amesia ke laba tana tagu ke mai.

Binaboli 15:11

“!Taovia, asei i laoqira na god ke atsakolugo igoe? ?Asei ke vaga igoe, o susuliga tsapakae mo tabu loki? ?Asei tangomana ke aqosigira na valatsatsa ma na omea ganataga loki sosongo vaga o naua igoe?

Linge 71:15

Me sauba kau tau kuti na gini turupatuna tana rongona nimu doulaka saviliu; mi tana dani popono sauba kau gini goko moa na douna nimu sasaga igoe o maurisiginiau, atsa moa ti e utu vaniau moa na padagadoviana.

Linge 92:5

!Taovia ara loki sosongo nomoa na omea igoe o naugira! !Ma nimu papada ara vano ao sosongo bâ!

Linge 136:4

Aia segeni moa e dona ke aqosi valatsatsa loki; rongona nina galuve e totu saviliu.

Linge 139:6

Ma nimu dona igoe tana rongoqu inau e vano ao bâ, e ao tanisosongolia bâ na omea e tugua kau padagadovia inau.

Nina Papi A Job 9:10

E utu igita ka padagadovigira se ka tsokoraegira na omea loki ma na omea ganataga danga sosongo aia e naugira.

Nina Papi A Job 5:9

E utu vanigita na padagadoviana na omea loki aia e naugira, ma na omea ganataga aia e tau kuti na nauana.

Nina Papi A Job 26:14

Ma na omea vaga gira ara sauvulagi vanigita na turina lê moa gana susuliga God, e vaga moa ti nina gagasa lê moa igita a rongomia. ?Masei tangomana ke padagadovia e loki koegua manana nomoa gana susuliga God?”

Binaboli 11:8

Ma Moses e goko babâ moa me tsaria, “Pipi gira sui nimu mane sasanga igoe sauba kara mai i koniqu inau, ma kara tsuporu tsuna i mataqu, ma kara rai sosongoliau kau adiligigira niqu toga sui tania na veraqira. Mi murina ia minau goto sauba kau vanoligi.” Mi tana me momosa loki na tobana a Moses me tû me mololea na taovia tsapakae.

Linge 73:28

!Minau moa e dou sosongo bâ vaniau na totu varangisiamu igoe niqu God, ma na totu raviravi dou i konimu igoe niqu Taovia ma niqu God, ma na katevulagiana na omea dou sui igoe o naugira!