Linge 4:7 - Ghari

⁷ Eo, ma na magemage dou igoe o saunogoa vaniau aia e loki liusi sosongolia bâ na mage ara tamanina igira, kolu pipi sui niqira lakana na mutsa ma na uaeni.

Linge 4:7 Referans Kwoze

Isaia 9:3

Taovia igoe nogo o naua migira nimu tinoni ara gini lia tugua na puku loki; mo nauvanigira mara gini magemage. Ara gini magemage i matamu, vaga moa kalina ara angunimai i vera na lakana loki ara tsurivia tana niqira uta, me vaga goto kalina igira na mane vaumate ara gini mage loki na tuvarivotaana na omea ara laua tana vailabu.

Linge 37:4

Lalavea nimui magemage i laona moa na Taovia, maia sauba ke tusuvanigamu na omea sui amu kilia.

Linge 43:4

Mi tana ti sauba inau kau ba tû i matana nimu belatabu igoe niqu God, igoe nogo na pukuna niqu magemage. Me sauba kau taia niqu itai tatangi ma kau lingena na tsonikaeamu, igoe God mo niqu God.

Aqoaqo 14:17

Maia God e gini saulabati segenina nomoa vanigira na tinoni sui i barangengo tana vuana nina aqo dou aia e nauvanigira: e moloa na usa mara gini raranga nida uta, me palaginigita na mutsa, me dangaliginigita na mage.”

Linge Na Galuve 1:4

Ko adiau moa inau ma ka ka tsogoligi; ko adiau i laona nimu voki mo ko lia niqu taovia tsapakae. Mi kaita sauba ka gini magemage na totu sai. Igoe o galuve sosongoliau, mi kaita ka ka gini mage manana. Ka nida mage e dou liusia bâ na gini mage na inu uaeni. !Aia nogo na rongona ti igira sui na daki ara ngao sosongoligo igoe!

Linge 92:4

Au gini mage na reiaqira na omea loki igoe o naugira Taovia; mi tana rongona nogo na omea igoe o naugira, ti inau au gini linge vanigo tana mage.

Jeremia 48:33

Me sui lê na magemage ma na kiakia tana kao lakataga ni Moab. Inau nogo au toroutsanigira nimui uta na uaeni, te e tau nogo rô na uaeni tana nimui nauna na mani rapasi uaeni; me tagara goto nogo ke kesa ke kauvisu me ke aqosi uaeni me ke gugû tana magemage.

Tinoni Pede 9:27

Mi tana tagu na pipitsu migira sui ara vano tana niqira uta na uaeni mara pitsugira na vuana, mara tsogori rapasigira gana ke lia na uaeni na inu. Mara sage i laona nina vale niqira god, mi tana ara mutsa mara inu mara gilugana a Abimelek.

1 Petero 1:8

Me atsa moa ti amu tau vati reilakana moa a Iesu Kristo, migamu amu galuvenogoa. Amu tutunina, atsa moa ti amu tau morosilakana kalina eni. Mamu gini magemage tana mage loki e utu na tsaritutuguana tana goko.

Tsoko Tinoni 6:25

Na Taovia ke irovigamu me ke vangalaka vanigamu.

Linge 31:17

Inau au soago Taovia; ko laka na tamivaniaqu ke paluvangamaqu lê. Igira moa na tinoni vanga tsutsukibo igira nogo ke paluvangamaqira, ma kara tsuna dodo i lao tana barangengo na mate.

Linge 67:2

mi tana nogo ti igira sui tana barangengo popono kara donaginia na omea o kilia igoe; migira sui na puku kara donaginia laka o ngaoa manana na maurisiaqira.

Linge 80:4

?Taovia God Susuliga Sosongo, sauba ke oka koegua sagata goto ko kore mo ko sove na rongomiana niqira nonginongi nimu tinoni?