Linge 4:1 - Ghari

¹ !Niqu God, igoe nogo o isutuguqu! Mi kalina ti kau nongigo, migoe ko rongomia niqu nonginongi. Kalina inau au totu i laona na rota, migoe nogo o sangaau. Mi kalina eni au nongigo ko rongomia niqu nonginongi.

Linge 4:1 Referans Kwoze

2 Korint 1:10

E maurisigami kalina e varangi nogo kami mate, eo, mami norua laka sauba ke maurisigami babaa goto.

Linge 119:132

Ko pilomai i koniqu mo ko galuveau, vaga nogo igoe o nauvanigira igira sui ara galuvego.

Linge 25:16

Taovia ko pilomai i koniqu mo ko galuveau, rongona inau au totu segeniqu mau maluku sosongo.

Jeremia 23:6

Mi tana tagu popono aia ke taovia tsapakae, migira na tinoni sui tana Juda sauba kara totu raviravi dou, migira na Israel kara mauri tana rago. Miani nogo na soa sauba kara soaginia, ‘Na Taovia Aia na Pukuna Nida Sasaga Gotolaka’.

Linge 17:6

Au nonginongi dato vanigo igoe niqu God, rongona au dona laka sauba ko rongomia niqu nonginongi. Ko aromai i koniqu, mo ko rongomigira niqu tsaqina goko.

Habakuk 3:19

Na Taovia God aia nogo na susuligaqu, maia e naua ma na tuaqu ara ka tsotso kakai vaga moa na dia mau gini liu raviravi dou i kelaqira na vungavunga.

Isaia 45:24

“Me sauba kara tsaria, ‘Na Taovia segeni moa e sangagita, me susuligasigita.’ Migira ara reisaviau inau sauba kara gini rota na vangamâ.

Linge 143:2

Laka kiki na raqaaqu tana pede inau nimu tinoni aqo, rongona e tagara kesa ke tau sasi i matamu igoe.

Linge 57:1

Ko galuveau kiki niqu God, ko galuveau, rongona inau au mai kau toturavi i konimu. Tana auauna na rapomu igoe inau kau toturavi poi tsau ke puka na legai loki.

Linge 45:1

Na tsaqina na goko laka ara labadato tana papadaqu, kalina inau au tê gana linge na taovia tsapakae. Na lapiqu e vaga saikesa moa ti nina peni na mani mamare kesa na tinoni e dona sosongo na mamare.

Linge 22:1

?Niqu God, niqu God, egua sagata kiki ti o tsonileau? Inau au ngangai savosavo bâ i konimu, ?megua ti o tau sangaau?

1 Samuel 17:37

Na Taovia e maurisiau nogo tanigira na laeone ma na pai atsi; maia sauba ke maurisiau goto tania na Pilistia iani.” Ma Saul e tsarivania, “E dou, ko bâ igoe ma na Taovia ke totu i konimu.”

2 Korint 1:8

Tasimami igamu, ami ngaoa kamu padatugua na rota loki ara gadovigami tana butona na momoru ni Asia. Na rota ara rotasiginigami e loki sosongo, mami tau nogo pada laka kami mauri.

1 Korint 1:30

I konina God nogo i tana e talu na pukuna nimui mauripata koluana a Iesu Kristo. Maia goto God e molovania a Iesu Kristo ke lia gada sasaga loki; mi konina nogo aia, ti igita a gini totugoto kolua God, migita a gini lia nina tinoni tabu God, ma gini tanusi tania na susuligana na tidao seko.

Linge 76:1

Igira ara totu tana vera ni Juda igira ara donaginia God. Ma na asana e tangiloki tana Israel popono.

Linge 67:1

Igoe God ko galuvegami mo ko vangalaka vanigami, mi tana nimu galuve ko irovigami,

Linge 42:1

Vaga moa na dia e kili sosongolia ke tsodoa kesa na ko vuravura bisibisi dou, aia saikesa nogo au vaga inau, au kili sosongolia goto kau tsodogo igoe niqu God.

Linge 31:8

Igoe o tau goto tamivanigira gaqu gala kara tangoliau; mo tamivaniau kau liu bamai iava moa tana kau ngaoa na liu.

Linge 24:5

Igira nogo na Taovia sauba ke vangalaka vanigira me ke maurisigira; God sauba ke adilabatia laka ara tinoni dou mara tau sasi.

Linge 11:7

Na Taovia aia e gotolaka me reingaoa na omea e dou me goto; migira ara naudou vaganana ia sauba kara totu sailagi i matana aia.

Linge 116:16

Taovia inau nimu tinoni aqo; mau aqo vanigo vaga nogo na tinaqu e naua. Migoe nogo o maurisiau tania na mate.

Linge 116:6

Na Taovia e reitutugugira igira e tagara kesa ke sangagira; mi kalina igira ara tovoa laka kara sekoliau inau, maia e laumaurisiau.

Linge 56:1

Niqu God ko galuveau, rongona ara mai saisai gaqu; igira gaqu galu ara rotasiau sailagi.

Linge 41:12

Igoe sauba ko sangaau rongona inau au naua na omea e goto, me sauba ko tamivaniau ma kau totu sailagi i matamu.

Linge 6:1

!Taovia ko laka na kore ma na goko kakai vaniaqu! !Ko laka na kedeaqu tana nimu momosatoba!

Nina Papi A Job 36:16

“Migoe a Job, o rota loki sosongo kalina ia, me varangi nogo ko mate. Ma God e ngao mananâ ke maurisigo, me ke tamivanigo na totu raviravi dou tana rago; me ke tusuvanigo ke danga gamu mutsa dou, me ke tagara goto sa omea seko ke gadovigo.