Linge 39:9 - Ghari

⁹ Sauba kau totu mui lê moa, ma kau tau goto tsonia sa tsaqina goko, rongona igoe nogo o naua te e gini gadoviau na rota vaga ia inau.

Linge 39:9 Referans Kwoze

Nina Papi A Job 2:10

Me gokovisu a Job me tsarivania. “!O goko bubulega moa igoe! Kalina God e sauvanigita na omea dou, migita a gini mage na adiana. ?Megua igita ti ka vaitsarigana kalina aia e molovanigita na rota?” Me atsa moa ti na rota loki sui ara gadovia a Job, maia e tau goto tsonia sa tsaqina goko seko ke kalea God.

2 Samuel 16:10

Ma na taovia tsapakae e tsarivanikaira a Abisai ma Joab na kulana, “Na omea iani e tagara sa ka nimui rongona kagamu na gini goko. ?Ti vaga aia e gokoseko vaga vaniau inau, maia e naua rongona na Taovia e ketsalia te e naua, masei tangomana ke veisuâ rongona gua ti aia e nauvaganana ia?”

Nina Papi A Job 1:21

Me tsaria, “Inau au tau nogo botsa kolua sa omea, me sauba kau tau goto mate kolua sa omea. Na Taovia nogo e sau omea vaniau, mi kalina ia, maia nogo e adivisugira sui taniau. !Tsonikaea na asana tabu!”

Daniel 4:35

Aia e morosigira na tinoni i barangengo vaga moa ti na omea lê. Migira sui na angelo i baragata ma na tinoni i barangengo ara totu sui moa i vavana nina tagao aia. Me tau goto tangomana ke kesa ke utusia nina papada se ke veisuâ tana rongona na omea aia e naua.

Linge 38:13

Minau au vaga moa na tinoni e mui na kulina, me utu vania na rorongo. Mau vaga goto na tinoni e bulu na lapina, me utu vania na goko.

1 Samuel 3:18

Bâ, mi tana ma Samuel e turupatuna vania pipi na omea sui e tsaria na Taovia, me tau goto molopoia sa omea. Ma Eli e tsaria, “Aia nogo e Taovia; maia sauba ke naua na omea e pada e dou vania ke naua.”

Aqo Manetabu 10:3

Mi tana ma Moses e tsarivania a Aaron, “Aia nogoria na omea vaga ia na Taovia e gini goko tana rongona kalina aia e tsaria, ‘Igira sui ara aqo vaniau inau, niqira aqo kara kukuni taniau matena inau au God tabu loki sosongo; me sauba kau saulabatia na susuligaqu i mataqira na tinoni sui migira kara tsonikaeginiau inau.’ ” Maia Aaron e mui lê moa.