Linge 39:6 - Ghari

⁶ ma na vavanona e vaga lê moa ti na auau lê. Na omea sui aia e gini boe sosongo na nauaqira ara puala lê sui. Aia e tsakosaigira na vangana sui na omea levolevo, me tau lelê goto donaginia laka asei nomoa ke aditamanina.

Linge 39:6 Referans Kwoze

Sasani Sasaga 2:26

Aia God nogo e saua na sasaga loki, ma na donalevo, ma na magemage vanigira ara dou i matana aia. Me molovanigira na tinoni sasi kara aqo loki ti kara tamani omea levo, mi muri, ma na peluna niqira aqo igira, sauba God ke sauvanigira igira ara dou i matana aia. Na omea sui lakalaka girani e utugana na padagadoviana. E vaga lê moa ti na takuvi guguri.

Iakobo 4:14

Eo, migamu amu tau dona laka sauba ke koegua na maurimui ke dani. Igamu amu vaga moa na pungu na lake, e datolaba kesa tana tagu tetelo, me ba nanga lee tsaku.

1 Korint 7:31

migira ara gini aqo na omea levolevo ni barangengo, kara vaga moa ti ara tau padaloki sosongolia na omea vaga ia. Rongona na barangengo igita a totu konina kalina ia, e varangi nogo ke nanga lee.

Sasani Sasaga 12:13

Mi tana susuina, e kesa lelê moa na omea au ngaoa kau tsarivanigo: Ko kukuni tania God, mo ko taonigira sui nina ketsa, aia nogo na rongona te God e gini aqosigira na tinoni.

Sasani Sasaga 5:14

mi muri me laba na tagu seko me nanga sui niqira qolo, mara tau goto tamanina sa qolo ke totuvisu vanigira na daleqira.

1 Petero 5:7

Pipi sui lakalaka gamui boe, kamu mololakagira tana limana God, rongona aia nogo e boeginigamu sosongo.

Luka 12:29

“Vaga ia, ma kamu laka na pada sosongoliana ma na gini boe sailagi nagua sauba kamu gania se kamu inuvia.

Isaia 55:2

?Matena gua ti amu tsonilea nimui qolo tana omea amu tau gini masu? ?Megua vaga ti amu tsonilea nimui qolo amu aqo loki matena, mamu vitoa babâ moa? Kamu rongomangaqu inau, ma kamu naua na omea au ketsaliginigamu, me sauba kamu gini mage na ganiana na mutsa dou liuliu bâ.

Sasani Sasaga 12:8

E tau tamani rongona, e tau tamani rongona, e tsaria na Mane Sasaga. Eo, igira sui ara tau lelê tamani sa rongona.

Sasani Sasaga 2:8

Au adigira goto danga sosongo na siliva ma na qolumila talu tana niqira valebisi na taovia tsapakae tana vera tavosi sui i tana inau au tagaovi kaputigira. Migira na mane ma na daki ara linge mara sinagi vaniau, mau tamanigira goto na daki danga sosongo, me pipi sui na omea e gini mage kesa tinoni na tamaniana.

Sasani Sasaga 1:14

Au reinogoa pipi sui na omea ara laba ieni i barangengo, mau tsarivanigamu laka igira sui ara tau saikesa tamani sa rongona. E vaga moa ti na takuvi guguri.

Goko Tabana 13:22

Kalina ke mate kesa na tinoni dou me sauba igira na kukuana kara adidatoa nina omea levolevo, ma niqira omea tatamani igira na tinoni sasi sauba ke totu vanigira igira e goto niqira sasaga.

Linge 127:2

E tagara sa rongona na aqo kakai matena na mauri, na tû matsaraka bongibongi ma na liusiana na tagu na maturu tana bongi. Rongona na Taovia e tusu lê omea vanigira ara galuvea kalina igira ara maturu.

1 Petero 1:24

E vaga nogo ara katemaia tana Mamare Tabu mara tsaria, “Pipi tinoni sui ara vaga na buruburu, ma na makaqira sui ara vaga na latsena na gai. Na buruburu e matsele lee, ma na latsena na gai ara dudu lee.

Iakobo 5:3

Na tsotso e ganigira sui nimui qolu ma nimui siliva. Ma na tsotso nogo ia, sauba ke adilabatia i malena na sekona nimui sasaga, me ke gania na lakamui vaga na lake. Amu molokolugira pipi sui nimui omea levolevo pitua na susuina na maurimui.

Goko Tabana 27:24

rongona na tamani omea levolevo e tau dona ke totu kalavata. Me atsa goto na puku taovia e tau dona ke totu saviliu.

Goko Tabana 23:5

Nimu qolo tangomana ke nangaligi tsaku lê vaga moa ti e tamani rapona vaga na manuloki me gini lovoligi.

Nina Papi A Job 7:7

“Niqu God, ko padatugua laka na mauriqu e kurikuri lê vaga moa ti na magomago; me utu goto kau dona na magemage tugua.

Nina Papi A Job 7:16

Inau au qisi nogo na mauri. Ko mololeau moa, mo ko laka goto na molorota vaniaqu, rongona na mauriqu e tau nogo katsi.

Nina Papi A Job 14:1

Ma Job e goko baba moa me tsaria, “Eo, igami na tinoni e kurikuri lê na maurimami i lao eni. Me tuturiga kalina e vasugami na tinamami, me gadovigami pipi na vatana na rota.

Linge 89:48

?Me laka asei tangomana ke mauri saviliu me ke tau mate? ?Me ke koegua vaga na tinoni ti ke tongo segenina me ke tau vano tana qilu?

Linge 144:4

Aia e vaga moa ti kesa na guguvina lê na guguri; ma na bongina ara vaga moa na auau lê, ara laba mara nangaligi tsaku.

Sasani Sasaga 11:10

Ko laka na tamivaniana ke kesa na omea ke moloboe vanigo se ke rotasigo lê. E utu vanigo ko tinoni vaolu saviliu.

Luka 12:26

?Me ti igamu amu tau nogo tangomana tana omea vaga ia, me matena gua goto ti amu gini boeginigira na omea tavosi?