Linge 39:5 - Ghari

⁵ !Igoe nogo o kukurisia vaganana ia na mauriqu inau! I matamu igoe na mauriqu inau e lia mala omea lê moa. E mana saikesa nomoa laka pipi sui na tinoni mamauri ara vaga lê moa kesa na guguvina tetelo lê na guguri,

Linge 39:5 Referans Kwoze

Linge 144:4

Aia e vaga moa ti kesa na guguvina lê na guguri; ma na bongina ara vaga moa na auau lê, ara laba mara nangaligi tsaku.

Linge 89:47

!Ko padatugua laka e kurikuri lê na mauriqu; mo ko padatugugotoa laka igoe nogo o aqosigami, migami ami tinoni lê sui moa mami dona mate!

Linge 62:9

Na tinoni sui lakalaka ara vaga saikesa moa ti na guguvina tetelo lê moa na magomago; igira sui tû tana lokina me tsau tana tetelona e tau lelê goto tugugira sa omea. Molokaegira tana omea na tovomamava, ma gaqira mamava e tau goto tugua sa omea; ara malamala lê liusia na malamalana kesa na guguvina tetelo na mamagona tinoni.

Sasani Sasaga 2:11

Mi muri, mau padagira na omea sui au aqosinogoa, ma na rota sui au tsodoa tana nauaqira, mau reigadovia laka igira sui ara tau lelê tamani sa rongona. E vaga moa ti na takuvi guguri, e tau lelê goto tamani sa rongona.

Iakobo 4:14

Eo, migamu amu tau dona laka sauba ke koegua na maurimui ke dani. Igamu amu vaga moa na pungu na lake, e datolaba kesa tana tagu tetelo, me ba nanga lee tsaku.

Linge 39:11

Igoe o kedea na tinoni matena nina sasi tana taimatana, mo sekoligira nina omea levolevo aia e padalokigira sosongo, vaga moa ti ke ganigira na mosu. !Manana saikesa nomoa, na tinoni aia e vaga lê moa kesa na guguvina tetelo lê na guguri!

Nina Papi A Job 7:6

Ara liu tsaku sosongo na bongiqu, me varangi nogo kau mate, mau tau nogo amesia laka sauba kau douvisutugua.

Isaia 40:17

Eo, igira sui na puku na tinoni ara tau saikesa lia vaga sa omea i matana aia.

Sasani Sasaga 1:2

Aia e tsaria laka e tagara sa omea ke tamani rongona. Eo, na mauri e tau lelê tamani sa rongona, na omea sui e tagara sa rongona.

Tuturigana 47:9

Ma Jakob e tsarivania, “Na mauriqu inau tana tavetada e tsaulinogoa kesa sangatu tolu sangavulu na ngalitupa. Migira na ngalitupaqu inau ara kurikuri lê mara kakai, mara tau moa katsi vaga na ngalitupaqira igira na mumuaqu tana niqira tavetada igira.”

2 Petero 3:8

!Kulaqu galugaluve, kamu laka saikesa na padaleana na omea iani! I matana God kesa na dani e vaga moa ti e kesa na toga na uvi, me kesa na toga na uvi e vaga moa ti e kesa lelee moa na dani.

2 Samuel 19:34

Maia Barsilai e tsarivania, “Inau e utu nogo kau mauri oka. ?Me vaga ia, ma na rongona gua kau dulikolu vanogo igoe taovia i Jerusalem?

Linge 90:12

Vaga ia, mo ko sasanigami ma kami gini padagadovia laka e kurikuri lê moa na maurimami, ma kami gini sasaga.