Linge 39:1 - Ghari

¹ Inau au goko mau tsarivaganana, “Inau sauba kau parovata dou sosongo tana rongoqira na omea inau kau naua, me sauba kau tau goto tamivania na lapiqu ke raqaau ma kau puka tana sasi. Sauba kau tau goto tsaria sa omea kalina kara totu varangi igira na tinoni seko.”

Linge 39:1 Referans Kwoze

Goko Tabana 21:23

Ti vaga igoe ko ngaoa na totu tabaligi taniana na vaiganigi ma nimu aqo ko parovata dou tana omea ko tsaria.

Linge 141:3

Taovia, ko reitutugudoua na mangaqu, mo ko mataligira dou niqu goko.

Iakobo 1:26

?Megua? ?Laka e totu kesa i laomui igamu e pada laka aia e muridou sosongolia na aqona na lotu? Me ti vaga aia ke tau tagaovidoua na lapina, e puala lee sui nina aqo na lotu, me pero segenina moa.

Linge 119:9

?Ke naukoeguania kesa na tinoni vaolu ti ke gini male dou nina sasaga? Tana muridouaqira moa pipi nimu ketsa igoe.

Linge 34:13

Ti vaga ia, ma nimui aqo kamu mololea na turupatu seko ma na goko peropero.

Hibru 2:1

Aia nogoria na rongona ti nida aqo igita ka tangolikakaigira baa pipi na sasani manana sui igita a rongomigira nogo, ma ka gini tau tova bamai lee.

Goko Tabana 18:21

Ma na omea igoe o tsaria e tangomana ke maurisigira se ke matesigira na tinoni; me vaga ia ma nimu aqo ko tabedoua moa na vuana pipi nimu tsaqina goko.

1 Taovia Tsapakae 2:4

Me ti vaga igoe ko rongomangana dou na Taovia, ma na Taovia sauba ke manalia na veke aia e nauvaniau inau kalina e tsarivaniau, ‘Ti vaga igira na dalemu kara parovata dou ma kara totukakai i koniqu inau tana tobaqira popono mi tana tidaoqira popono, me sauba ke kesa tana nimu puku igoe ke adidato babâ na aqotagao tana Israel.’

Kolose 4:5

Kamu totu parovata dou tana nimui sasaga kalina igamu amu totu kolugira na tinoni ara tau tutunina. Ma kamu madodo na gini goko vaniaqira tana rongona a Iesu Kristo.

Linge 12:4

“Tana nida tsaqina goko segeni nogo igita a adia na omea igita a ngaoa. Eo, me sauba nomoa ka tsariragoa na omea igita a ngaoa na tsariana, me utu lelê ke kesa ke tongo vanigita.”

Linge 62:1

Au pitu saikesalia moa God laka aia ke maurisiau; mi konina segeni moa aia au tsotsovata.

Nina Papi A Job 2:10

Me gokovisu a Job me tsarivania. “!O goko bubulega moa igoe! Kalina God e sauvanigita na omea dou, migita a gini mage na adiana. ?Megua igita ti ka vaitsarigana kalina aia e molovanigita na rota?” Me atsa moa ti na rota loki sui ara gadovia a Job, maia e tau goto tsonia sa tsaqina goko seko ke kalea God.

Linge 77:1

Inau au ngangaidato vania God; au ngangaidato maia e rongomiau.

2 Taovia Tsapakae 10:31

Ma Jehu e tau moa muridoua nina ketsa na Taovia na God ni Israel tana tobana popono; me muria moa nina sasaga a Jeroboam aia e raqa sasiligira na Israel mara viri puka tana sasi.

Amos 5:13

Mi tana tagu vaga ia, ma na tinoni sasaga sauba ke mui lê mangana, rongona na tagu ia na tagu seko nomoa.

1 Turupatu Dato 16:41

Mi kaira a Heman ma Jedutun ara ka totu kolugira goto i tana, kolugira goto visana ara viligira nogo gana kara lingena na tsonikaeana na Taovia rongona nina galuve vo oli.