Linge 38:1 - Ghari

¹ !Taovia, ko laka na kedeaqu tana koremu!

Linge 38:1 Referans Kwoze

Linge 6:1

!Taovia ko laka na kore ma na goko kakai vaniaqu! !Ko laka na kedeaqu tana nimu momosatoba!

Isaia 54:8

Inau au piloligi tanigo tana kore kesa moa tana tagu tetelo, mi kalina ia, sauba kau galuve sailaginigo. Inau nogo na Taovia au laumaurisigo au tsaria na omea iani.

Jeremia 30:11

Inau nogo sauba kau mai i konimui ma kau laumaurisigamu. Sauba kau toroutsanigira pipi sui na puku tavosi i tana inau au sarangasigamu bâ, migamu moa e utu kau toroutsanigamu. Me sauba rago kau kedegamu igamu, mi kalina kau tû na kedeamui, me sauba kau naua moa tana pede gotolaka. Inau nogo na Taovia au tsaria na omea iani.”

Linge 70:1

!Niqu God ko maurisiau! !Taovia ko sangaau kalina ia!

Jeremia 10:24

Ko gotosigira rago nimu tinoni Taovia; mo ko laka moa na rotasiamami sosongo, se ko pedegami kalina ke momosa loki na tobamu; rongona ti ko nauvaganana ia, me sauba igami kami mate sui.

Habakuk 3:2

Taovia, inau au rongominogoa na turupatuna na omea sui igoe o naugira, mau gini novo loki sosongo. Mau nongigo ko nauvanigami tugua tana tagu iani na omea loki vaga igoe o naugira nogo i sau. Ko galuvegami moa atsa moa ti o kore vanigami.

Isaia 27:8

Na Taovia e kedeginigira nina tinoni tana molovanoaqira kara totu tsinogo tana vera ao. Aia e kore sosongo vanigira me molomaia kesa na guguri seko loki e talumai i longa ke pualigigira.

Linge 88:7

Ma na koremu loki e kobiau, minau au tsaro rapa i vavana na panuna.

Na Vaolusi Ketsa 9:19

Minau au matagunia nina momosatoba loki na Taovia, rongona aia e kore loki sosongo me tugua nomoa ke matesiligigamu. Me kesa goto kalina na Taovia e rongomangaqu inau.