Linge 37:9 - Ghari

⁹ Migira moa ara norukakaia na Taovia sauba kara tamanina na kao, migira na tinoni vanga tsutsukibo sauba kara tsialigigira lê.

Linge 37:9 Referans Kwoze

Isaia 60:21

Migira nimu tinoni sauba kara naua moa na omea e gotolaka, ma kara totuvi sailaginia nimu kao. Inau nogo au volagira mau tsukagira, rongona kau gini sauvulagia gaqu loki tsapakae vanigira na tinoni sui.

Linge 25:13

Me sauba kara tau goto kuti na tamaniana na omea levo, migira na daleqira kara tangolidatoa niqira kao i muri.

Isaia 57:13

Mi kalina igamu kamu ngangaidato laka kesa ke sangagamu, molovanigira nogo nimui god peropero kara mai ma kara laumaurisigamu. Igira ara tau saikesa susuliga me tugua moa kesa na guguvina tetelo na guguri ke puasalagira. Migira moa ara noruau inau, sauba kara totuvia na kao inau au molovanigira niqu tinoni, ma kara tamanina niqu vungavunga tabu.”

Linge 37:29

Igira na tinoni e gotolaka niqira sasaga sauba kara tamanina na kao, ma kara mauri kalavata i laona na dani ma na dani.

Linge 55:23

Migoe God sauba ko tsonibagira na vanga labumatesi tinoni ma na vanga pero, ma kara ba puka tana qiluqira kalina na turina popono na mauriqira e totu moa. Minau moa sauba kau noru saikesaligo moa igoe.

Na Katemai 5:10

Igoe o naua, mara gini lia na puku manetabu gana na aqo vaniana nida God, me sauba igira nogo kara tagaovi kaputia na barangengo.”

Goko Tabana 2:21

Igira moa e gotolaka niqira sasaga sauba kara tangolidatoa na kao iani ma kara totuvia.

Isaia 58:14

mi tana ti igamu kamu tsodoa na magemage manana e talumai tana aqo dou vaniaqu inau na Taovia. Me sauba kamu totu raviravi dou tana butona momoru inau au saunogoa vania a Jakob na mumuamui, ma kau naua ma kara gini padalokigamu tana barangengo popono. Inau nogo na Taovia au tsaria na omea iani.”

Hibru 11:16

Me tagara. Ara pada sosongolia moa kesa na veraqira dou sosongo baa, aia nogo na vera e totu i gotu. Ma God e tau goto gini vangamaa tanigira kalina igira ara tuu mara tsarivania, “Eo, igoe nogo nimami God igami.” Rongona aia e vangarau manogatinogoa vanigira kesa na veraqira loki i gotu.

Tsoko Tinoni 26:65

Mi tana tagu nogo ia, ma na Taovia e tsarinogoa laka pipi sui gira sauba kara mate sui i laona na kaomate. Me laba vaga nogo ia, mi kaira lelê moa a Kaleb na dalena a Jepune, ma Josua na dalena a Nun ara ka tau mate.

Na Vaolusi Ketsa 5:33

Kamu muridougira sui, rongona ke gini vano dou vanigamu pipi sui na omea, ma kamu gini mauri oka tana kao i tana sauba kamu totuvia.”

Josua 14:9

Mi tana rongona inau au nauvaganana ia, te a Moses e vekevaniau laka na dalequ minau sauba manana nomoa kami aditamanimami segeni na kao i tana inau au liuvia.

Malaki 4:1

Na Taovia Susuliga Sosongo e goko me tsaria, “E maimai nogo na dani i tana igira sui na tinoni vanga kaekae ma na vanga nauseko sauba kara iru lê sui vaga moa na rau matemate. Mi tana dani nogo ia, sauba kara iru sui saikesa nogo, me ke tau goto totuvisu sa turina na koniqira.