Linge 37:8 - Ghari

⁸ Laka goto na kore ma na momosatoba; na omea vaga gira e tsukivanigita moa na puka tana sasi.

Linge 37:8 Referans Kwoze

Goko Tabana 14:29

Aia e tau dona na kore tsaku e sauvulagia laka e sasaga, maia e dona na kore tsaku, e gini sauvulagia laka e bubulega.

Goko Tabana 16:32

Na tinoni e vô na kore tsaku e dou liusia bâ na tinoni e susuliga loki. Ma na tinoni e tangomana na tagaovi segenina, e dou liusia bâ na tinoni e suli me tangomana na tangoliana kesa na vera popono.

Epesus 4:31

Kamu mololegira saikesa pipi sui na momosatoba, ma na ngaokore sailagi. Mololea na gulagini tinoni ma na goko seko. Laka goto na gini tobaseko sa omea.

Epesus 4:26

Ti vaga igamu kamu kore, ma kamu laka na tamivaniana nimui kore ke raqagamu tana sasi, ma na kore ke tau totu i tobamui tana dani popono.

Kolose 3:8

Mi kalina eni nimui aqo kamu mololegira pipi sui na vatana na omea seko vaga girani: na kore, na vaireiisaivigi ma na tobaseko. Ma na goko pea ma na asu ke tau goto rutsu i mangamui.

Nina Papi A Job 5:2

Kaira na tobakore ma na masugu ara ka dona na matesiaqira igira ara tau sasaga.

Jona 4:1

Me seko sosongo na tobana a Jona me gini kore vania na Taovia.

Jona 4:9

Ma God e tsarivania, “?Laka o tamanina sa nimu rongona dou na gini kore tana rongona na gai ia?” Ma Jona e gokovisu vania me tsaria, “Au tamani rongona sosongo nomoa kau kore inau, eo, au kore loki sosongo me tugua kau mate!”

Nina Papi A Job 18:4

Migoe o rotasi segenimu moa tana nimu momosatoba loki vaga ia. ?Me laka tana rongona moa nimu tobamomosa igoe me ke gini totu mangu lê na barangengo? ?Me laka sauba God ke ratsugira na vungavunga gana ke gini douvisutugua na tobamu igoe?

Linge 73:15

Me ti vaga inau kau tsonia na goko kaekae vaga igira ara tsonia, mi tana ma niqu sasaga ke tau nogo ulagana nina sasaga kesa nimu tinoni igoe.

Linge 31:22

Inau au matagu loki mau tsaria i tobaqu, “Igoe o tsialigiau nogo tania na matamu.” Me tagara. Igoe o rongomia moa niqu ngangaidato vanigo, kalina inau au nongigo ko sangaau.

Linge 116:11

Me atsa moa goto kalina au matagu sosongo mau tsaria, “E tagara nomoa kiki ke kesa kau noru kalavatavia inau.”

1 Taovia Tsapakae 11:22

Ma na taovia tsapakae e veisuâ a Hadad, “?Egua, laka nagua moa inau au tau vati sauvanigo moa igoe ti o ngaoa na visutugua i veramu?” Ma Hadad e gokovisu vania na taovia tsapakae me tsaria, “Tagara goto. Ko tami moa vaniau ma kau vano.” Ma Hadad e visutugua i Edom na verana segeni. Mi kalina aia e lia na taovia tsapakae ni Edom maia e vaigalagi sailagi kolugira na Israel.