Linge 37:5 - Ghari

⁵ Sausegenimui vania na Taovia; norukakaia moa aia, maia sauba ke sangagamu.

Linge 37:5 Referans Kwoze

Goko Tabana 16:3

Ko mologira nimu aqo i limana na Taovia, me sauba igoe ko tangomana kalina ko naugira.

1 Petero 5:7

Pipi sui lakalaka gamui boe, kamu mololakagira tana limana God, rongona aia nogo e boeginigamu sosongo.

Mateo 6:25

“Aia nogoria na rongona ti inau au tsarivanigamu: kamu laka sagata na gini boe sosongo rongona na mutsa ma na inu amu kilia gana na maurimui, se na polo gana na pologiniana na konimui. ?Egua laka na maurimui e tau ngatsu loki liusia baa na mutsa amu gania? ?Se laka na konimui e tau ngatsu loki liusia baa na polo amu sagelia?

Linge 55:22

Mololakagira na omea sui ara ngoligo i limana na Taovia, maia sauba ke isutugumu; aia e utu ke tamia na tinoni e goto niqira sasaga kara pukavisu lê.

Iakobo 4:15

Me dou baa ti na tsarivaganana iani, “Ti vaga God ke padangaoa vanigita, me sauba ka mauri i dani eni, ma ka naua na omea iani ma na omea garia.”

Linge 22:8

Mara tsarivaganana vaniau, “Igoe o vataragi i konina na Taovia. ?Megua aia ti e tau laumaurisigo? ?Me ti vaga na Taovia e galuvego manana, megua aia ti e tau sangago?”

Nina Papi A Job 22:28

mo ko tangomana pipi sui tana omea o ngaoa na nauana, ma na marara sauba ke mararasi sailaginia nimu sautu.

Tangitangi 3:37

E utu saikesa ke laba sa omea ti vaga God ke tau tami talua ke laba.

Luka 12:22

Ma Iesu e goko tugua vanigira segeni igira gana duli me tsaria, “Aia nogo na rongona ti inau au tsarivanigamu kamu laka na gini boe sailagi na mutsa amu kilia gana na maurimui, se na polo gana na konimui.

Sasani Sasaga 9:1

E oka sosongo nogo inau au padakakaia tana rongoqira na omea sui vaga girani, mau reigadovia laka aia God nogo e tagaovi kaputigira pipi sui niqira omeomea na tinoni sasaga loki migira e gotolaka niqira sasaga, atsa moa tana niqira vaigaluvegi ma niqira vaireisavigi. Me tagara goto ke kesa ke donaginia nagua e totupitua tana tagu ke mai.

Tuturigana 24:12

Maia e nonginongi me tsaria, “Taovia, igoe nina God a Abraham gaqu taovia, au nongigo ko manalia nimu veke o nauvania gaqu taovia, mo ko sangaau ma kau tangomana tana omea au sulungana mai na nauana.

1 Samuel 12:4

Migira na toga ara gokovisu vania mara tsaria, “Tagara, igoe o tau vati peqogami, se ko bingi sekoligami; mo tau goto tavongani aditamanimu sa nina omea ke kesa.”