Linge 34:8 - Ghari

⁸ Kamu tovoa ma kamu reisegenimui laka e dou manana na Taovia. Ara mage igira ara totu raviravi i konina.

Linge 34:8 Referans Kwoze

Linge 119:103

!Ara pui sosongo nomoa nimu tsaqina goko igoe ara pui liusia bâ na bulumitsua!

Jeremia 31:14

Me sauba kau masuliginigira na manetabu na mutsa dou bâ, migira niqu tinoni kara tamanina pipi sui na omea ara kilia gana na mauriqira. Inau nogo na Taovia au tsaria na omea iani.”

Linge 63:5

Na tidaoqu sauba ke masu vaga tana dani na kavomutsa, me sauba kau gini mage na lingena vanigo na linge na tsonikaeamu.

Linge 84:12

!Taovia Susuliga Sosongo, ara mage manana igira ara norukakaigo igoe!

Sekaria 9:17

!Sauba ke rerei dou sosongo bâ, me ke lakataga dou na kao ia! Migira na tinoni vaolu sauba kara gania na mutsana, ma kara inuvia na uaenina, ma kara gini lia na tinoni susuliga.

Linge 36:7

!Igoe God, e loki tsapakae nomoa nimu galuve vo oli! Migami sui nimu tinoni ami dona kami ba totu raviravi i vavana na rapomu igoe.

Linge 36:10

Ko laka goto kuti na galuveaqira babâ igira ara donaginigo mo ko naudou vanigira igira ara totugoto i matamu igoe.

Linge Na Galuve 5:1

Igoe na kosuqu popono ma niqu aneane, inau au sage bâ nogo i laona niqu uta. Au angunikolugira nogo niqu omea sisingini dou; mau gania gaqu bulumitsua, mau inuvia gaqu uaeni ma gaqu miliki. Eo, kagamu gamu udu kamu ka mutsa ma kamu ka inu, poi tsau kalina kamu ka masu dou.

Linge 2:12

Kamu gariri ma kamu tsuporu i matana; ke tau tavongani labadato tsaku na korena, me ke tavongani novotigamu lê na mate. Eo, kara mage igira sui ara dona na ba totu raviravi i konina aia.

Linge Na Galuve 2:3

Vaga kesa na gai na gaviga i laoqira na gai sui tana goana, bâ, maia saikesa nogo niqu udu galugaluve i laoqira na mane vaolu sui. Mau gini mage sosongo na totu raviravi tana auauna na gai ia, ma na vuana e puisi sosongolia na lioqu.

Linge 52:1

?Rongona gua ti igoe na tinoni loki o gini goko kaekae tana rongona na omea seko o naua vanigira nina tinoni God?

Tuturigana 48:16

!Ma na angelo aia e laumaurisiau inau tania na omea seko sui ke tabukaira! !Ma na soaqu inau ma ka soaqira kaira na tamaqu a Abraham ma Isaak ke totu mamauri ka koniqira na baka karani! !Ma kara ka tamani danga ka daleqira ma ka kukuaqira!”

Daniel 3:28

Ma na taovia tsapakae e tsaria, “!Ka tsonikaea tu niqira God a Sadrak, ma Mesak, ma Abednego! Aia nogo e molomaia kesa nina angelo ke laumaurisitugira na mane tugirani ara tu aqovania mara tu norua. Ara tu petsakoe vaniau mara tu sove na muriana niqu ketsa au moloa, mara tu bisâ tu mauriqira mara tu sove na tsuporu tsuna ma na samasama vaniana sa god tavosi, maia lelê moa tu niqira God.