Linge 33:6 - Ghari

⁶ E moloketsa moa na Taovia me vusaginia na baragata, me goko moa mara laba na aso ma na vula ma na veitugu.

Linge 33:6 Referans Kwoze

Hibru 11:3

Igita goto a tutunina God, te igita a donaginia laka God e vusaginigira na gokona moa na omea sui i gotu mi lao. Eo, igira sui na omea igita a reiginia na matada God nogo e vusaginigira na omea igita a tau reiginia na matada.

2 Petero 3:5

Igira na tinoni ara goko vaganana ia ara vongo kapusia na mataqira. Ara ngaoa moa laka kara padaleginia na aqo God e naugira nogo i sau. I sau, God e goko moa mara gini laba na omea sui i gotu mi lao. Ma na barangengo e botsa datomai talu i laona na koo.

Nina Papi A Job 33:4

Nina Tarunga Tabu nogo God e aqosiau me tusuvaniau na mauri.

Linge 33:9

Mi kalina aia e goko me botsalaba na barangengo; e moloketsa moa aia mara botsalaba na omea sui.

Tuturigana 2:1

Mi tana e sui na aqosiana na baragata ma na barangengo migira na omea sui i ka laoqira.

Tuturigana 2:7

Mi muri, ma na Taovia God e karoa na kao me buloa me aqosiginia na konina na mane; me magoviginia na isuna na mamagona na mauri ma na mane ia e tuturiga na mauri.

Ioane 20:22

Me uvigira, me tsarivanigira, “Ke tsunamai i konimui na Tarunga Tabu.

Tuturigana 1:6

Mi muri, ma God e tsaria, “Ke totu na masaoka ke gini votâ na kô me ke totu ruka tabana.” Me laba vaga aia e tsaria. Me vaga ia, ma God e aqosia na masaoka me gini totu tavota na kô e totu i vavana na masaoka ma na kô e totu i kelana na masaoka.

Nina Papi A Job 26:13

Ma na mamagona lê moa God e gini uviligigira na parako, me gini totu malemale na masaoka. Ma na limana e labuginia na tuqana vigo na omea mamauri ia, aia e tovoa na tsogoligi.

Tuturigana 6:7

me tsaria, “Inau sauba kau matesiligigira sui saikesa na tinoni girani inau au aqosigira, migira goto na omea tuavati sui, ma na omea ara tere tana kao, ma na manu, rongona inau au gini padasavi sosongo matena au aqosigira.”

Roma 1:25

Na goko mana tana rongona God igira ara tuguginia na goko pero. Ara samasama mara aqo vanigira na omea God e vusagira, mara tau samasama vania God aia e vusagira na omea sui. !Aia nogo nida God igita me dou ka tsonikaea na dani ma na dani! Amen.

Linge 104:30

Mi kalina moa igoe o sauvanigira na magomago migira ara mauri, migoe o vaolusia na maurina na barangengo.

Tuturigana 1:1

Tana idana kalina God e vusagira na omea sui i baragata mi barangengo,

Na Vaolusi Ketsa 4:19

Kamu parovata ma kamu tau samasama vanigira na omea igamu amu reia tana masaoka, na aso, na vula, ma na veitugu. Na Taovia nimui God e sauragoa na omea girani vanigira na tinoni tavosi sui gana kara samasama vanigira.

Jeremia 8:2

Sauba kara tsoni piriutsanigira bamai i matana na aso, ma na vula, ma na veitugu, igira nogo na omea girani na tinoni ni Juda ara padaloki sosongoligira, mara aqo vanigira, mara lavu na ba torogoko i koniqira, ma na samasama vaniaqira. Me utu goto kara tsakosaigira ma kara qilugira tugua; sauba kara tsupubamai vaga moa na tsupu na tae tana kao.

Jeremia 10:16

Ma nina God a Jakob e tau saikesa vaga gira igira. Aia nogo e aqosia pipi sui na omea, me viligira na Israel kara lia nina tinoni segeni nogo. Na Taovia Susuliga Sosongo aia nogo na asana.