Linge 33:4 - Ghari

⁴ Nina goko na Taovia ara mana sui; me tugua ka norugira dou pipi nina aqo sui.

Linge 33:4 Referans Kwoze

Linge 12:6

Nina veke sui na Taovia ara mana saviliu. Ara vaga moa na siliva ara kukia vitu kalina tana lake romaroma me male.

Na Vaolusi Ketsa 32:4

“Na Taovia aia nogo nimui isutugu susuliga, e doulaka me gotolaka pipi sui tana nina omeomea. Nimui God e gotolaka me mana saviliu; maia e naua moa na omea e mana me goto.

Daniel 4:37

“Mi kalina ia, minau a Nebukadnesar au tsonikaea, mau pada mamavasia, mau soalokia, na Taovia Tsapakae ni Baragata. Me pipi sui na omea aia e naua e dou me goto, maia e dona ke molotsunâ asei moa e ngaoa laka ke molokae segenina.”

Linge 119:75

Taovia au donaginia laka nimu votapede sui ara gotolaka saikesa, me laka o kedeau rongona igoe o mana sosongo vaniau.

Linge 19:8

Igira nina ketsa na Taovia ara goto sui, mara gini magemage igira ara muridougira. Nina ketsa sui na Taovia ara maka saikesa, mara mararasia na papadana na tinoni.

Ioane 14:6

Ma Iesu e tsarivania a Toma, “Inau nogo na sautu, ma na manana, ma na mauri. Tau tangomana ke kesa ke balaba i konina na Tamaqu ti ke tau liu talu i koniqu inau.”

Goko Tabana 30:5

“God e manalia pipi sui na veke aia e naugira. Me dilagira na tinoni ara ba toturavi i konina, vaga nogo na tako e dilâ na mane vaomate tana tagu na vailabu.

Linge 119:128

Aia nogoria na rongona ti inau au muridougira pipi sui nimu totosasaga, mau reisavigira pipi sui na sautu sasi.

Roma 7:12

Nina Ketsa God, aia segeni e tabu loki, me pipi na vali i laona na Ketsa e tabu, me goto, me dou.

Linge 96:13

rongona na Taovia e mai nogo na pedeana na barangengo. Maia sauba ke pedegira na tinoni sui tana barangengo tana pedegoto ma na pedelaka.

Tuturigana 24:27

Me tsaria, “Tsonikaea na Taovia, nina God a Abraham gaqu taovia, aia e manali saikesalia nina veke e nauvania gaqu taovia. Na Taovia e adisaviliuau bâ i koniqira na kamana gaqu taovia.”

Mika 2:7

?Igamu na tinoni ni Israel, egua vaga ti amu goko vaniau vaganana ia? ?Igamu amu pada ngatsu laka God e utu nogo ke kore vanigamu, me ke nauvanigamu sa omea seko, ne? Bâ, ma na Taovia segenina nogo e tsaria, “Inau au dona na goko ragorago dou vaniaqira moa igira ara naua na omea e gotolaka i mataqu.

Linge 25:10

Pipi sui nina sautu na Taovia ara pukuga tana manana ma na galuve, vanigira ara manalia niqira vaitasogi ara naukolua aia, mara muridougira nina ketsa.