Linge 33:3 - Ghari

³ Linge na linge vaolu vania aia. !Taidoua nimui itai tatangi, ma kamu gudato tana magemage!

Linge 33:3 Referans Kwoze

Isaia 42:10

!Igamu sui na tinoni tana barangengo popono kamu lingena kesa na linge vaolu na mani tsonikaeana na Taovia! Kamu tsonikaea igamu sui amu liu tana vaka i tasi; migamu goto na omea mamauri sui i laona na kema. Migamu sui amu totu tana momoru ao kamu sanga goto na linge vaniana kesa na linge vaolu.

Epesus 5:19

Kamu gini vaigokovigi na tsaqina na goko tana papi na Linge Tabu, migira visana goto na linge na lotu. Kamu lingegira na linge na lotu ma na Linge Tabu vania na Taovia, ma kamu soadoua i tobamui popono.

1 Turupatu Dato 25:7

Migira sui rukapatu vati na mane girani, kolugira goto na Levite tavosi ara sangagira, ara sasaga sosongo tana niqira aqo mara dona sosongo na linge. Migira sui kolu ara 288 na mane.

Kolose 3:16

Pipi sui na goko tana rongona a Iesu Kristo kara mauri kalavata i laona na tobamui. Kamu gini vaisasanigi ma kamu vaikakaisigi dou kolua pipi sui na vangana nimui dona. Kamu lingegira na Linge Tabu migira goto na linge na lotu. Eo, kamu linge vania God ma kamu soadoua i laona na tobamui popono.

Linge 96:1

!Lingena na linge vaolu vania na Taovia! !Linge vania na Taovia igamu na momoru taligu!

Na Katemai 5:9

Mara teaa kesa na linge vaolu mara tsaria, “Igoe e ulagamu sosongo na adiana na viviruna na papi ma na pokatiligiaqira na bubulutina. Rongona igoe nogo ara labumatesigo, mi tana mateamu nogo igoe, o volivisugira na tinoni sui vania God, pipi tana puku, ma na tavosi goko, me pipi sui na duli i laona pipi na vera, me pipi sui na mamatana tinoni.

Linge 144:9

Niqu God, sauba kau lingena vanigo kesa na linge vaolu; sauba kau gini sinagi vanigo na itai tatangi ma kau linge vanigo.

Linge 98:1

!Lingena na linge vaolu vania na Taovia; rongona aia nogo e naugira na omea loki! Tana nina mana segeni mi tana susuligana tabu aia e gini managana.

1 Turupatu Dato 13:8

maia David migira na toga sui ara gagavai tana susuligaqira popono gana na tsonikaeana God. Ara lilinge, mara taigira niqira itai tatangi, ma niqira kuku, mara rekesia niqira tsetsê mara uvia niqira tavuli.

Na Katemai 14:3

Migira sui na kesa sangatu vati sangavulu vati na toga na tinoni girani igira God e suivisugira tania na barangengo, ara tutuu aro baa i matana nina sasana na totukae na Taovia, mi tu mataqira tu vati na omea mamauri migira na tuqa tabu, mara teaa kesa na linge vaolu igira segeni moa ara dona kara lingena.

Linge 149:1

!Tsonikaea na Taovia! Linge na linge vaolu vania na Taovia. Tsonikaea i laona niqira saikolu igira nina tinoni.

Linge 40:3

Aia e sasaniau kesa na linge vaolu, na linge na mani tsonikaeana na Taovia nida God. Migira na dangana sauba kara reia na omea vaga iani, ma kara gini totu parovata, me sauba ti igira goto kara dona na noruana na Taovia.

2 Turupatu Dato 34:12

Migira na mane ara naua na aqo ia ara aqo dou manana mara tau goto dona na peqo. Mara tu vati na Levite ara tagaovia na vavanona niqira aqo: tugira nogo a Jahat ma Obadia tana duli konina a Merari, ma Sekaria ma Mesulam tana duli konina a Kohat. Mi tugira sui na Levite tugirani ara dona sosongo na taiaqira na omea tatangi.

1 Turupatu Dato 15:22

Rongona aia Kenania e dona sosongo na linge ti ara vilia aia ke lia gaqira ida igira na alaala na Levite tana linge.

Linge 40:4

Ara mage igira ara norudou mananâ na Taovia, igira ara tau pilo bâ i koniqira na titinonina na god peropero, se kara dona na sangapata koluaqira igira ara samasama vanigira.