Linge 33:12 - Ghari

¹² Ke mage aia na puku na tinoni i tana ara tamivania God ke Taovia vanigira. !Eo kara mage igira sui na tinoni God e viligira nogo kara lia nina tinoni segeni!

Linge 33:12 Referans Kwoze

Linge 144:15

!Ke mage aia na puku i tana ara laba na omea dou vaga girani! !Kara mage igira na tinoni aia God nogo niqira Taovia!

1 Petero 2:9

Migamu, amu nina mamatana tinoni vivili ma nina manetabu God na Taovia Tsapakae. Mamu lia nogo na vera tabu loki, ma nina tinoni segeni nogo God. Aia e viligamu kamu gini tsarivulagigira na omea loki God e nauvanigamu kalina aia e soa rutusumiligigamu tania na totu rodo, me tudumi sagegamu tana nina marara loki segeni nogo ia.

Ioane 15:16

“Igamu amu tau viliau inau. Inau nogo au viligamu, mau mologamu kamu vano ma kamu molo vuamui dangadanga, aia na vatana na vuana e dona ke totu kalavata me ke vo sui. Maia na Tamaqu sauba ke tusuvanigamu na omea sui kamu nongia tana asaqu inau.

Epesus 1:4

Kalina e tau vati botsa moa na barangengo, ma God e vili manogatigita nogo i laona a Iesu Kristo ka gini lia nina tinoni, ma ka gini tangomana na totu dou ma na mauri male i matana aia. Tana nina galuve nogo,

Linge 65:4

Kara mage igira igoe o viligira nogo; igira igoe o adigira kara totu i laona nimu Vale Tabu. Sauba igami kami gini mage loki sosongo tana rongoqira na omea dou sosongo igoe o tusuvanigami i laona na valemu, i tana nimu Vale Tabu.

Titus 2:14

Aia e sausegenina me mate na tuguda, gana ke gini suivisugita tania pipi sui na nauseko, me ke naua igita ka gini male ma ka masidi, ma ka gini lia nina tinoni segeni, ma ka gini madodo pipi tana aqo dou sui.

Na Vaolusi Ketsa 33:29

!Igamu na Israel, kamu magemage dou! E tagara goto sa puku tinoni ke atsa kolugamu igamu, igamu nogo na puku na Taovia e laumaurisigamu. Na Taovia segenina nogo aia nimui tako ma nimui isi, gana ke isutugumui me ke sangagamu kamu gini tangomana. Igira gamui gala sauba kara nongigamu kamu galuvegira, migamu sauba kamu tsogori tsunaligira.”

Linge 135:4

Na Taovia e vilivani segenia a Jakob, migira na Israel kara lia nina tinoni segeni aia.

Jeremia 10:16

Ma nina God a Jakob e tau saikesa vaga gira igira. Aia nogo e aqosia pipi sui na omea, me viligira na Israel kara lia nina tinoni segeni nogo. Na Taovia Susuliga Sosongo aia nogo na asana.

Linge 28:9

Ko maurisigira nimu tinoni Taovia, mo ko vangalaka vanigira igira igoe o tamanigira. Ko lia gaqira reitutugu dou, mo ko aragodougira na dani ma na dani.

Binaboli 34:9

Me tsaria, “Taovia, ti vaga igoe o reingaoau manana inau, mau nongigo ko dulikolugami mo ko reitutugugami i sautu. Eo, e manana nomoa laka na tinoni girani ara tsatsarae sosongo, me atsa moa e vaga Taovia, migoe ko padalegira moa na omea seko ami naua, ma nimami sasi, mo ko tabegami moa vaga nogo nimu tinoni segeni.”

Na Vaolusi Ketsa 32:9

migira moa na kukuana a Jakob e vilivani segenina nogo ia.

2 Samuel 20:19

Na veramami igami na vera tangirongo loki, migami ami totu tana rago mami totukakai kalavata i konina na God ni Israel. ?Ma na rongona gua ti igoe o tovoa laka ko veoa na veramami? ?Laka igoe o ngaoa ko toroutsania na omea e tamanina na Taovia?”

Isaia 41:10

!Kamu laka na matagu, inau au totu kolugamu! !Inau nogo nimui God, kamu laka na tamivaniana sa omea ke molomatagu vanigamu! Inau sauba kau susuligasigamu, ma kau sangagamu; me sauba nomoa kau reitutugugamu ma kau maurisigamu.