Linge 33:11 - Ghari

¹¹ Migira moa nina pede na Taovia ara totukakai na dani ma na dani; ma na omea aia e padagira ara totu saviliu babâ.

Linge 33:11 Referans Kwoze

Goko Tabana 19:21

Tangomana igira na tinoni kara vangarau na nauana pipi vata na omea, ma na omea moa e kilia na Taovia sauba ke laba.

Isaia 46:10

Tu nogo tana tuturigana inau au katevulagigira na omea sauba kara laba tana susuina na tagu, mi sau vasau inau au kate idanogoa na omea ara tau vati laba. Mau tsaria laka pipi sui na omea au vangaraua na nauana e utu saikesa kau terevia, me laka sauba nomoa kau manaligira sui.

Nina Papi A Job 23:13

“Aia e tau goto dona ke olia nina papada. Me tagara goto ke kesa tangomana ke tukapusi vania, se ke tongo vania na nauana na omea aia e padangaoa na nauana.

Jeremia 29:11

Inau segeniqu moa au donaginia na omea au vangarau manogatinogoa kau naua vanigamu agana ke gini dou na maurimui, me tau gana ke gini seko, ma kau manali vanigamu na omea sui igamu amu amesia ke laba tana tagu ke mai.

Tangitangi 3:37

E utu saikesa ke laba sa omea ti vaga God ke tau tami talua ke laba.

Isaia 14:24

Na Taovia Susuliga Sosongo e naua kesa na vatsa me tsaria: “Na omea inau au vangarau manogatinogoa sauba nomoa kara laba. Ma na omea inau au padakuti matena na nauana sauba nomoa kau naua.

Isaia 14:27

Eo, na Taovia Susuliga Sosongo e padakuti matena nogo ke naua na omea iani; maia e kedegira baba moa, me tagara goto ke kesa tangomana ke utusia.

Daniel 4:37

“Mi kalina ia, minau a Nebukadnesar au tsonikaea, mau pada mamavasia, mau soalokia, na Taovia Tsapakae ni Baragata. Me pipi sui na omea aia e naua e dou me goto, maia e dona ke molotsunâ asei moa e ngaoa laka ke molokae segenina.”

Epesus 1:11

Pipi sui na omea ara laba ara muria nina papada ma nina pede God. Tumai nogo tana tuturigana tsotsodo aia God e viligami igami na Tsiu kami lia nina tinoni segeni nogo i laona a Iesu Kristo.

Linge 92:5

!Taovia ara loki sosongo nomoa na omea igoe o naugira! !Ma nimu papada ara vano ao sosongo bâ!

Mika 4:12

Migira na puku loki girani ara tau saikesa donaginia na omea e totu tana nina papada na Taovia. Mara tau goto reigadovia laka God nogo e soasaigira rongona aia e ngaoa ke kedegira, vaga saikesa moa kalina ara tsakosaia na uiti mara adivanogira tana nauna na labududusi uiti.

Aqoaqo 15:18

Aia nogoria na omea e tsaria na Taovia, maia goto nogo e katevulagia na omea iani i sau nogo.’ ”

2 Taovia Tsapakae 19:25

“?Egua, laka o tau moa vati rongomia laka inau nogo au vangarau oka nogoa na omea girani te ara laba? Mi kalina ia, minau au manalitovugira sui nogo. Inau nogo au sauvanigo igoe na susuliga gana na toroutsaniaqira na verabau ara poliginigira na baravatu kakai, ma kara viri totu tsuputsupu bamai na tapana na vatuqira.

Sasani Sasaga 3:14

Mau dona goto laka pipi sui na omea aia God e naua, sauba ke totu saviliu. E utu goto ka pabo bâ ke kesa na omea i konina, me utu goto ka adiligi tania ke kesa goto na omea i konina. Ma God e nauvaganana ia, rongona igita ka gini kukuni tania aia.