Linge 32:6 - Ghari

⁶ Vaga ia, migira sui na tinoni ara totukakai i konimu igoe, e dou kara dona na nongiamu tana tagu na rota; mi kalina ti ke tavongani tave na obo loki na rota, me sauba ke utu vania ke tsauligira.

Linge 32:6 Referans Kwoze

Isaia 55:6

Kamu pilo bâ i konina na Taovia ma kamu nonginongi vania kalina aia e totu varangisigamu.

Isaia 43:2

Mi kalina ti vaga kamu tulusavu tana kô mao, inau sauba kau totu kolugamu; ma na tatarina na kô e utu ke lumigamu. Mi kalina ti vaga kamu liu bâ i laona na lake me sauba e utu ke ganigamu, ma na iruna e utu goto ke iruvigamu.

2 Korint 6:2

Kamu rongomia na goko e tsaria God: “I sau kalina e laba na tagu tana kau vangalaka vanigamu, minau au rongomia nimui nonginongi. Mi kalina e laba na dani i tana kau maurisigamu, minau au sangagamu.” !Kamu rorongo dou! !Kalina eni nogo na tagu na adiana nina vangalaka God; i dani eni nogo na dani i tana ke maurisigita!

Ioane 7:34

Mi tana igamu sauba kamu lalaveau, me utu kamu reiau, rongona sauba ke utu vanigamu na laba i tana inau sauba kau totu.”

Goko Tabana 1:28

Mi tana ti igamu kamu soaau inau kau mai sangagamu minau e utu kau mai. Igamu sauba kamu laveau inau pipi nauna, me sauba e utu kamu tsodoau.

Linge 4:3

Padatugudoua laka na Taovia aia e viligira nogo igira e goto niqira sasaga kara lia nina tinoni segeni, maia nogoria e rongomiau inau kalina au soâ.

Linge 144:7

Ko sautsuna mai na limamu, mo ko raqakaeau tania na ko mao sosongo, mo ko maurisiau; laumaurisiau tania na limaqira na tinoni ni veratavosi girani,

Linge 40:3

Aia e sasaniau kesa na linge vaolu, na linge na mani tsonikaeana na Taovia nida God. Migira na dangana sauba kara reia na omea vaga iani, ma kara gini totu parovata, me sauba ti igira goto kara dona na noruana na Taovia.

Titus 2:12

Maia nogoria e sasanigita na mololeana na mauri ponotoba, ma na kilinauseko ni barangengo. Me raigita ka reitutugudou segenida ti ke gini gotolaka na sasagada. Ma ka mauri pipi dani i lao eni vaga nogo God e ngaoa,

2 Korint 1:4

E sangagita i laona pipi sui nida rota, me ngaoa igita goto ka sangagira na tinoni tavosi igira e gadovigira pipi vatana na rota, vaga nogo God e sangagita.

Isaia 49:8

Ma na Taovia e tsarivanigira nina tinoni, “Kalina ke labamai na tagu i tana inau kau laumaurisigamu, me sauba kau rongomia nimui ngangai dato vaniau ma kau sangagamu. Inau sauba kau mataligamu ma kau reitutugugamu, mi konimui nogo igamu ti inau kau naua kesa na vaitasogi kolugira na tinoni tavosi sui. Ma kau tamivanigamu kamu totuvitugua nimui butona kao e totu seko lê kalina ia.

1 Timoti 1:16

Ma God e galuve sosongoliau nomoa, rongona aia e ngaoa ke gini labamaka nina berengiti loki a Iesu Kristo vaniau inau na tinoni sasi liuliu baa. Mi kalina igira na tinoni kara reia na omea vaga aia God e nauvaniau inau, me sauba kara tutunina a Iesu Kristo, ma kara gini tamanina na mauri saliu i muri.

Linge 91:7

Me atsa moa ti ke kesa na toga kara puka ma kara mate i ligisamu, ma kara sangavulu na toga kara mate polipoligo, me utu nomoa ke kesa na omea seko ke sekoligo igoe.