Linge 32:11 - Ghari

¹¹ Kamu magemage ma kamu linge igamu e goto nimui sasaga, tana rongona na omea dou sui na Taovia e naugira. !Eo, kamu gudato tana mage igamu sui amu rongomangana aia!

Linge 32:11 Referans Kwoze

Linge 64:10

Migira sui na tinoni e goto niqira sasaga sauba kara gini magemage rago tana rongona na omea loki aia na Taovia e naugira. Me sauba kara ba totu raviravi dou i konina aia; igira sui na tinoni dou sauba kara tsonikaea.

Pilipi 4:4

Kamu magemage sailagi i laona nimui mauripata koluana na Taovia. !Eo, mau tsaritugua vanigamu: kamu magemage!

Linge 97:12

!Kamu mage igamu sui amu totugoto i matana na Taovia, kamu padatugua na omea sui aia e naugira, ma kamu soadoua na asana tabu!

Linge 97:1

!Na Taovia e taovia tsapakae! !Igoe na barangengo ko gini magemage! !Migamu goto na momoru sui ni tasi kamu mage loki!

Linge 5:11

Kara gini magemage igira sui ara toturavi dou i konimu igoe; kara lilinge sailagi tana mage loki. Ko reitutugugira dou igira ara padalokia na asamu; matena tana rongomu nogo igoe ti igira ara gini dona na mage loki manana.

Linge 68:3

Igira na tinoni e gotodou nogo niqira sasaga ara gini magemage na tû i matana God; me dou na tobaqira mara gudato tana magemage.

Linge 33:1

Igamu sui amu totugoto nogo i matana na Taovia kamu gudato tana magemage, rongona na omea dou sui aia e naunogoa vanigamu. Kamu soalokia igamu sui amu ronqomanqana dou.

Na Vaolusi Ketsa 12:12

Kamu gini magemage i tana, i matana na Taovia, kolugira na dalemui, migira goto nimui tinoni aqo, migira na Levite ara totu i laona na veramui rongona igira na Levite sauba kara tau tamani segeni sa niqira butona kao.

Pilipi 3:3

Igita nogoria a adia na paripapadana mainana, me tau igira, rongona igita nogoria a samasama vania God tana nina sasanga na Tarunga Tabu, ma magemage tana nida mauripata koluana a Iesu Kristo. Igita a tau vataraginia nida tutuni kesa tana aqotabu ni taba lee moa, vaga ti tana paripapadana.

Pilipi 3:1

Mi tana susuina niqu leta vanigamu igamu na tasiqu, au tsarigotoa vanigamu kamu magemage i laona nimui mauripata koluana na Taovia. Inau au tau qisi na mareana tugua na omea au maregira nogo, na mani sangaginiamui ma kamu gini tukakai dou babaa tana nimui tutuni.

Roma 5:11

Eo, igita a gini magemage i laona nida mauri vaolu i konina God, na mauri e gini tsonimatena vanigita a Iesu Kristo nida Taovia te igita a gini dou i matana God.

Linge 125:4

Taovia ko naudou vanigira igira e dou niqira sasaga, mara muridougira nimu ketsa.

Linge 32:2

Ke mage na tinoni aia na Taovia e tau keli vania laka e naua sa omea e seko, me male tanigira pipi sui na vatana na pero.

Linge 7:10

God aia nogo e reitutuguau; maia e maurisigira igira e goto na tobaqira.

1 Samuel 2:1

Maia ko Hana e nonginongi vaga iani: “!Na Taovia e dangaliginia na tobaqu na magemage; mau gini mage sosongo tana rongona na omea aia e nauvaniau! !Inau au kiataginigira gaqu gala me gini mage sosongo na tobaqu tana rongona aia God e sangaau.

Linge 98:4

!Igamu sui tana barangengo popono, kamu gudato vania na Taovia tana magemage; kamu tsonikaea me ke tangidato nimui linge na magemage!